Rematada a pista de skate na área recreativa Bouza de Miguel en Arbo

O Alcalde de Arbo, Horacio Gil, acaba de anunciar  que a Area Recreativa Bouza de Miguel, xa dispón dun novo elemento de ocio para os arbenses

O Parque Forestal Bouza de Miguel, creado e promovido polo Concello de Arbo coa colaboración da Comunidade de Montes de Arbo, pretende seguir potenciando os fermosos espazos que este municipio ofrece para desfrute de locais e visitantes que se achegan atraídos pola natureza, gastronomía e patrimonio cultural.

Para a financiación da pista de Skate o concello asinoba un convenio de colaboración coa Secretaria Xeral para o Deporte donde este ente da Xunta de Galicia se compromete a aportar 24.000,00 € sendo o importe restante 5.949,92€, asumido con fondos propios do Concello de Arbo .

O Alcalde destaca que “no Concello somos conscientes de que, entre as actividades deportivas que a poboación xuvenil do municipio está a demandar, atópase a práctica de deportes urbanos, en especial do Skate. Detectada esta necesidade, e carecendo actualmente Arbo de instalacións específicas para a súa práctica, desde o Concello  procedeuse a solicitar axuda a Xunta de Galicia para a colaboración na creación da Pista e seguir así na liña de atender a demanda de toda a poboación arbense”.

Ademais o Concello de Arbo tamén plantou unha veintena máis de árbores, para mellorar a masa forestal, a calidade de vida e a calidade do aire, e atendemos as demandas veciñais para o mantemento e coidado dos nosos parques e xardíns.

A Area Recreativa Bouza de Miguel,  conta cun tobogán xigante, columbios adaptados e tirolina, ademáis de contar tamén con mesas e un asador. Este espazo de lecer esta dentro dun entorno único a carón do polideportivo e o Campo de Fútbol e a escasos 100 metros da piscina municipal, cun espectacular miradoiro ao Río Miño, que o converten no lugar ideal para pasar un día en familia, rodeados de árbores autóctonos e divertidos xogos infantís.

Tamén dende a Area Recreativa, podemos desfrutar do aire libre e o deporte a través do sendeiro que une este parque e o barrio da Estación, un roteiro de aproximadamente un quilómetro que nos leva ata a praia fluvial da Estación dende onde podemos comezar o Sendeiro dos Pescadores e rematalo na praia fluvial de Sela ou o Sendeiro do Río Miño e o Río Deva que remata na praia fluvial de San Xoán, ámbalas dúas rutas non deixarán indiferente a ningúen.

«Dende o Consistorio, agradece a colaboración da Xunta de Galicia que atende as demandas de Arbo, e a Xunta de Montes en man Común de Arbo»– manifesta o rexedor arbense- que tamén afirma estar a espera dunha nova cesión de máis terreo por parte da Comunidade de Montes de Arbo, para seguir equipando a Area Recreativa Bouza de Miguel de máis equipamento deportivo, infantil e de lecer.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.