Vilalba Aberta pedirá explicacións polo estado da estrada que une o empalme coa Feira do Monte ó seu paso por Vilalba

Modesto Renda cualificou de “intolerable” que só se arranxara o tramo pertencente ao Concello de Cospeito e urxe á Alcaldesa e á Deputación a ‘pedir perdón e actuar’

Vilalba Aberta vén de rexistrar unha nova interpelación á Alcaldesa. A solicitude, que atopa fundamento no “deplorable estado” da estrada provincial LU-P-6501 ao seu paso por Vilalba, chega logo de que a Deputación Provincial actuara sobre o firme do tramo pertencente ao Concello de Cospeito, ficando, un ano máis, o pertencente ao Concello de Vilalba “nun completo estado de abandono diante da incredulidade de veciños e usuarios/as habituais”.

“Dende Vilalba Aberta non imos consentir que Concello e Deputación traten á veciñanza de Vilalba coma cidadanía de segunda” declarou a este respecto o voceiro municipal da formación, Modesto Renda. Así, avanzou, VA pedirá explicacións á Alcaldesa polo que cualificou de “intolerable agravio con Vilalba” e urxirá ao goberno local a “facer os deberes do mesmo xeito que se fixo en Cospeito”.

“A veciñanza leva anos deixándose literalmente as rodas diante do silencio e a inacción das institucións. O acontecido é a gota que colmou o vaso, a xente está farta e toca facer xustiza”, apuntou.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.