Antón Meilán presenta este sábado, na Casa-Museo Manuel María, “Dona Constanza de Castro toma a fortaleza de Vilaxoán. Loita, resistencia e morte”

A publicación insérese dentro das actividades e accións reivindicativas con que  que entidades da Terra Chá e concellos limítrofes están a demandar que Caldaloba pase a propiedade pública e se leve a cabo a súa recuperación e posta en valor

Este sábado, 29 de xaneiro, ás 20 horas, a Casa-Museo Manuel María acolle a presentación da publicación Dona Constanza de Castro toma a fortaleza de Vilaxoán. Loita, resistencia e morte, escrita polo profesor emérito da Universidade de Oviedo Antón Meilán.

O “mito” do Mariscal Pardo de Cela (Historia, lendas e literatura) e O último ano do Mariscal Pero Pardo de Cela: o cerco e a traizón da Frouseira son algúns outros dos estudos en que o profesor mindoniense ten afondado nos últimos anos sobre os feitos acontecidos no último período do século XV en relación coa familia de Pardo de Cela e a súa filla Dona Constanza de Castro e que supuxeron a fin da existencia efectiva do Reino de Galiza.

A publicación editada pola Deputación de Lugo insérese dentro das actividades e accións reivindicativas con que entidades da Terra Chá  e concellos limítrofes están a demandar que Caldaloba ou Vilaxoán pase a propiedade pública e se leve a cabo a súa recuperación e posta en valor.

Mañá, sábado, tamén se presentará a publicación, ás 17 hrs, na Fortaleza Museo de San Paio de Narla por parte da asociación cultural Carballo Vivo de Friol.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.