Maite Ferreiro: “As nenas e nenos que asistan á Cabalgata estática desfrutarán de espectáculos de gran formato na contorna do Gustavo Freire”

A edil de Cultura do Concello de Lugo anunciou que 10 espectáculos amenizarán o tempo de espera ata chegar xunto aos Magos de Oriente

A cabalgata terá lugar no exterior do Auditorio Municipal Gustavo Freire de Lugo o vindeiro día 5 en horarios de mañá e tarde (12 a 14 e 17:30 a 19:30)

Maite Ferreiro anunciou que a cabalgata de reis deste ano contará con 10 espectáculos que amenizarán o tempo de espera ata chegar xunto aos Magos de Oriente, que chegarán a Lugo o vindeiro mércores 5 en horarios de mañá e tarde, entre as 12 e as 14 horas e entre as 17:30 e as 19:30. Ferreiro explicou que «a explanada do Auditorio Municipal Gustavo Freire contará con espectáculos novidosos e de calidade para amenizar a espera das nenas e nenos ata chegar xunto aos  Magos de Oriente».

A área de Cultura conta con espectáculos de gran calidade internacional, como La Parada Amorosa, de Remue Menage ou Chamôh, de Paris Benares, ambos chegados desde Francia. Ademais, contarase coa animación de primeira calidade achegada pola compañía galega Culturactiva, que achegará cisnes, cebras, bonecos e unicornios, ou o Rancho de Reis Xeitoso de Reviravolta.

Maite Ferreiro destacou que «escollemos as inmediacións do Gustavo Freire ao ser unha zona que conta con boas conexións en bus urbano para as persoas que decidan achegarse en transporte público, ademais de ter boa dispoñibilidade de aparcamento público e gratuíto nas inmediacións«.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.