Os xuíces de instrución da Coruña e Vigo esixen á Xunta dotación económica para implementar as gardas de 24 horas

As xuntas sectoriais de xuíces de instrución da Coruña e Vigo aprobaron por unanimidade solicitar que, a través do Tribunal Superior de Xustiza de Galicia (TSXG), se inste á Xunta a facer efectiva “de maneira inmediata” a dotación orzamentaria necesaria para a implantación do sistema de prestación do servizo de gardas de 24 horas en ambos partidos xudiciais, que aseguran que son os únicos do Estado que, coas súas características, carecen dese sistema de quenda rotatoria.

Os xuíces de instrución da Coruña e Vigo salientan que a iniciativa conta, na actualidade, “co apoio unánime de todos os colectivos implicados na Administración de Xustiza”, así como con dotación económica do Ministerio de Xustiza, pois destacan que está incluída nos Orzamentos Xerais do Estado para 2022. Ademais, inciden en que a súa implementación é “indispensable para superar as disfuncións do sistema actual e procurar a prestación dun servizo público áxil, moderno, eficaz e respectuoso coa tutela dos dereitos fundamentais e as garantías procesuais”.

A Sala de Goberno do TSXG xa cursou en 2019 a solicitude do cambio do sistema ao Consello Xeral do Poder Xudicial (CXPX) tras dar o visto e prace á proposta dos xuíces de instrución da Coruña e Vigo, os cales avogan por modificar as gardas semanais actuais por quendas rotatorias diarias de 24 horas. En abril do ano pasado o CXPX emitiu un informe favorable á implantación da medida, aínda que advertía que o cambio est

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.