Presentado en Lugo o ciclo Xadrez para Todas

O Goberno de Lugo e a Asociación cultural Xaquedrum levan adiante esta proposta con distintas actividades que promocionarán o xadrez nas rúas e nos centros de ensino

O Goberno de Lugo colabora coa asociación cultural Xaquedrum nun novo programa educativo baseado no xadrez. Baixo o nome «Xadrez para todas», realizarase un amplo programa orientado ás e aos escolares e a toda a veciñanza de Lugo, co obxectivo de «espertar a curiosidade  e o interese polo xadrez, achegando ás familias sobre as vantaxes que a súa práctica representa sobre a dimensión educativa», explicou Felipe Rivas.

En total, desenvolveranse 8 actividades en distintas zonas da cidade, entre o 6 de marzo e o 30 de setembro. As actividades comezan co Torneo de Xadrez Escolar de Entroido, que terá lugar o vindeiro 6 de marzo no soto da Praza de Abastos.

Felipe Rivas destacou «o grande interese que está a achegar o xadrez na poboación», e engadiu «a práctica do xadrez supón un magnífico instrumento para adquirir unha maior axilidade mental e unha serie de habilidades sociais tales como a capacidade de concentración e de síntese, ademais de mellorar a memoria, o cálculo, a toma de decisións ou a creatividade».

Actividades Xadrez para Todas

TORNEO DE XADREZ ESCOLAR DE ENTROIDO

Lugar: Soto da  Praza de Abastos.

Calendario: 6 de marzo.

Descrición: Torneo de xadrez aberto a todos/as os/as lucenses. Por categorías segundo o nivel deportivo e por idades.

TORNEO DE XADREZ ESCOLAR DE SEMANA SANTA

Lugar: Soto da  Praza de Abastos.

Calendario: 3 de abril.

Descrición: Torneo de xadrez aberto a todos/ as os/as lucenses. Por categorías segundo o nivel deportivo e por idades.

TORNEO DE XADREZ ESCOLAR FESTA FINAL

Lugar:  Praza Maior.

Calendario: 17  maio.

Descrición: Torneo de xadrez aberto a todos/ as os/ as lucenses. Por categorías segundo o nivel deportivo e por idades.

TORNEO DE XADREZ ESCOLAR NADAL

Lugar:  Praza Maior.

Calendario: 18  decembro.

Descrición: Torneo de xadrez aberto a todos/as os/as lucenses. Por categorías segundo o nivel deportivo e por idades.

XAQUE NAS AULAS

Lugar:  Escolas de infantil e  colexios públicos de Lugo.

Calendario: Desde Marzo a Decembro.

Descrición: Este programa  achega o xadrez ás aulas  infantil e primaria para formar, durante tres sesións, aos/ as alumnos/ as de 5º,6º de infantil e 1º de Primaria na práctica do xadrez, tendo en conta dos indubidables efectos positivos que esta disciplina ten para os estudantes, tanto a nivel persoal como intelectual.

XADREZ XIGANTE E BAÚL VIAXEIRO

Lugar:  Praza Maior.

Calendario: 2,  ao 22 de xuño de luns a venres.

Descrición: Xadrez xigante, clases de xadrez, xadrez convencional e biblioteca itinerante para os máis pequenos.

VIAXE POLA HISTORIA DO XADREZ

Lugar:  Praza do  Castiñeiro.

Calendario: 1  ao 15 de xullo de luns a venres.

Descrición: Xadrez xigante, clases de xadrez, xadrez convencional e biblioteca itinerante para os máis pequenos.

VOLTA AO COLE DIVERTIDO

Lugar:  Praza maior de Lugo.

Calendario: 1  ao 30 de setembro de luns a venres.

Descrición: Xadrez xigante, clases de xadrez, xadrez convencional e biblioteca itinerante para os máis pequenos.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.