Felipe Labrada acada o apoio dos afiliados e convértese no novo presidente do PP de O Corgo

O actual alcalde de O Corgo, Felipe Labrada, vén de converterse no novo presidente da agrupación popular da localidade. A presidenta provincial, Elena Candia, presidiu o congreso local celebrado nas últimas horas e no que tamén foi nomeado presidente de honra o seu predecesor no cargo, José Antonio Ferreiro González.

A executiva está formada ademais por Marcos Trashorras Reija, secretario Xeral e vicesecretario de Medio Ambiente; María de Mar Gómez Gómez, vicesecretaria de Educación e Infancia; María Jesús Álvarez Fole, vicesecretario de Cultura e Igualdade; José Luis Fernández López, vicesecretario de Asuntos Sociais; David Rodríguez Loureiro, vicesecretario de Emprego e Xuventude; e Pedro Fernández Reija, vicesecretario de Medio Rural e Sanidade.

No transcurso do encontro, Felipe Labrada trasladou o seu compromiso para “seguir traballando e acadar de novo o vindeiro ano a confianza dos veciños e gobernar con maioría absoluta”.

Neste senso, a presidenta provincial agradeceu ao novo presidente “a súa entrega e vontade de servizo público”. Elena Candia tamén tivo palabras de loubanza para o resto de compañeiros que integran a nova executiva, xa que supón, dixo, “un gran xesto de xenerosidade”.

“Neste Partido todos sumamos, polo que é unha satisfacción ver que nas agrupacións temos homes e mulleres comprometidos”. É, por este motivo, polo que a dirixente provincial lles trasladou todo o apoio da dirección para acadar os obxectivos que se propoñan.

Ademais de Elena Candia, o cónclave contou coa participación do Coordinador Xeral, José Manuel Balseiro Orol, dos Secretarios Xeral e de Organización, Javier Nodal e Javier Vázquez Prado, respectivamente; ademais doutros cargos orgánicos do Partido.

 

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.