Javier Arias. «Consumir alimentos locais, dan vida ao rural lucense»

O delegado territorial da Xunta en Lugo, Javier Arias, instou hoxe a «consumir alimentos locais, resultado dunha produción tradicional, que dan vida ao rural lucense porque achegan riqueza e son respectuosos co medio ambiente».  O delegado realizou estas declaracións no marco da feira Expogrelo que se celebra en Abadín.

Arias puxo de manifesto a aposta da Xunta pola calidade agroalimentaria, a través de iniciativas como a campaña Galicia Etiqueta Calidade, coa que promociona os produtos con selo de garantía do mar e do campo, entre os que se atopa o grelo.

Neste sentido, destacou que a Indicación Xeográfica Protexida Grelos de Galicia «garante a calidade do produto, mellorando a súa competitividade». Ao respecto, lembrou que a Xunta ten aberta unha convocatoria de axudas para accións de promoción dos produtos agroalimentarios galegos con calidade diferenciada, á que poden acceder tanto os consellos reguladores como entidades asociativas de produtores.

O prazo de presentación de solicitudes rematará o 31 de marzo e subvenciona gastos relativos a campañas publicitarias, misións comerciais ou a organización e participación en feiras e exposicións, entre outras iniciativas de difusión.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.