Lugo, Vilalba e Burela acollen novas presentacións do libro de Antón Meilán sobre a torre de Caldaloba

Dona Constanza de Castro toma a fortaleza de Vilaxoán. Loita, resistencia e morte, de Antón Meilán, será presentado este venres no Vello Cárcere de Lugo, nun acto organizado polo Clube Cultural Valle Inclán, o Centro Social Mádia Leva, A.C. Lugo Patrimonio, A.C. Cultura do País e Amigos do Castro de Viladonga

Dona Constanza de Castro toma a fortaleza de Vilaxoán. Loita, resistencia e morte, de Antón Meilán, será presentado este venres, día 11 de marzo, ás 19.30 horas, no Vello Cárcere de Lugo, nun acto organizado polo Clube Cultural Valle Inclán, o Centro Social Mádia Leva, A.C. Lugo Patrimonio, A.C. Cultura do País e Amigos do Castro de Viladonga. O acto, en que estará o propio autor, o mindoniense e profesor emérito da Universidade de Oviedo, Antón Meilán, será introducido polo arqueólogo, historiador e museólogo, Felipe Arias.

O mesmo venres, día 11, ás 16 horas, diante da Casa da Torre de Pedro de Bolaño, en Burela, Antón Meilán, na compaña do profesor Bernardo Penabade, dará a coñecer á veciñanza esta publicación e durante a mañá manterá unha palestra co alumnado do I.E.S Perdouro da localidade burelá.

O día anterior, xoves 10 de marzo, ás 20 horas, en Vilalba, e organizada polo IESCHA, tamén se levará a cabo na Casa da Cultura da localidade, coa presenza do autor e a participación de Marisa Barreiro e Chema Felpeto, unha presentación deste traballo editado pola Vicepresidencia da Deputación de Lugo e promovido por máis de vinte entidades da Terra Chá e concellos limítrofes que exixen que Caldaloba ou Vilaxoán pase a propiedade pública e se leve a cabo a súa recuperación e posta en valor dun ben que ten un valor histórico e simbólico importantísimo para a descuberta dun capítulo transcendental da historia de Galiza, frecuentemente agochado e negado.

Meira, Cospeito, Xermade… serán os próximos lugares onde será difundida a publicación en próximas datas.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.