Remedios González, presidenta do PP de Rábade

A dirixente provincial, Elena Candia, presidiu o congreso do PP de Rábade, no que Remedios González Cabarcos foi elixida presidenta, comprometéndose con elo a “consolidar o noso Partido con máis afiliados e simpatizantes”.

Para elo, deseñou unha executiva que está formada, dixo, “por un gran equipo de colaboradores implicados e comprometidos con Rábade”. “Conto con grandes compañeiros, leais e con vontade de traballo para acabar a confianza dos veciños. O noso obxectivo é traballar para facer deste concello un pobo de referencia a nivel provincial e desenvolver un proxecto de futuro para reconducir con ilusión a xestión do Concello nas próximas  eleccións”, destacou.

O cambio é posible

A presidenta provincial amosou a súa satisfacción pola renovación orgánica, depositando en todos os integrantes a súa colaboración e apoio para que en 2023 se produza un cambio de goberno en Rábade. “Creo que é posible e, entre todos, temos que ser capaces de ensanchar o Partido e darlle a este concello o prestixio que perdeu cos mandatos independentes”, remarcou.

A nova presidenta estivo arroupada pola dirección provincial que lidera Elena Candia e por outros cargos orgánicos da formación como Javier Nodal, Javier Vázquez Prado ou José Manuel Balseiro.

A xunta directiva fórmana 11 persoas: Remedios González (presidenta), Ángel Carral Ferreiro (secretario xeral), José Luis Novo Teijeiro (secretario); José Manuel Candal Veiga (vicesecretario de Urbanismo e Vivenda), Pilar Dapena González (vicesecretaria de Sanidade e Asuntos Sociais), María José Parga Regueiro (vicesecretaria de Educación e Cultura), Héctor Iglesias Redondo (vicesecretario de Xuventude e Deportes) e como vogais: Sandra Novo Penas, María Delia Basanta Seijo, Manuel Díaz Freire e Francisco Gómez Vázquez.

Máis congresos

O Partido Popular da provincia continuará este sábado coa renovación da agrupación de Vilalba e, o domingo, a de Monforte de Lemos. Os dous congresos celebraranse ás 12:00 horas nos restaurantes Montero e Don Manuel, respectivamente.

 

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.