Vilalba recepciona 6 parcelas para uso industrial do plan de sectorización de Entrepinares, que porá á venda en datas próximas

Tamén recepcionaron unha parcela de uso dotacional, unha para aparcadoiro e outra destinada a zona verde

O Concello de Vilalba recepcionou as novas parcelas de titularidade municipal no Polígono Industrial, rematando así a actuación urbanística do Plan de Sectorización promovido pola empresa Entrepinares en virtude da cal o concello, segundo acordo da Xunta de Goberno Local o 14 de xuño de 2018, aceptou a cesión e pasou a ser propietario dos terreos.

En concreto, recepcionou seis parcelas para uso industrial cunha superficie total aproximada de algo mais de 7.000 m2 e unha superficie edificable de 5.615 m2; ademais, unha parcela de uso dotacional de 2.868 m2 cunha superficie edificable de 2.294 m2; unha parcela para aparcadoiro de 3.763 m2, e unha parcela para zona verde de 9.155 m2.

A fórmula elixida para a venda das seis parcelas de uso industrial será previsiblemente a subasta previa valoración dos terreos.

“Agradecemos a Entrepinares a forma de executar as obras; esta ampliación é unha oportunidade para as empresas interesadas en instalarse no polígono, creando ademais postos de traballo”, asegurou a alcaldesa de Vilalba, Elba Veleiro.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.