Areeiro insta a continuar coa vixilancia do mildio nas vides aínda que non é necesario tratamento

A EFA tamén alerta de que están a agromar as camelias e recomenda o control do ácaro causante da caída do seu botón floral

A Estación Fitopatolóxica de Areeiro advertiu nun aviso fitosanitario que é preciso manter a vixilancia do mildio nas vides, aínda que suxire non comezar a aplicar o tratamento. Sen embargo para o centro dependente da Deputación é preciso iniciar o tratamento contra a “Cosecatus camelliae”, o ácaro causante da caída do botón floral das camelias.

Segundo o informe de Areeiro, os gromos das vides están moi contidos e o anuncio de temperaturas anormalmente baixas para estes días tampouco favorecerán o desenvolvemento das plantas. Amais, as condicións climatolóxicas non son favorables ao crecemento do mildio polo que para a EFA, de momento, é necesario continuar coa vixilancia do fungo aínda que non aconsella comezar a tratar as vides.

Sen embargo, o persoal técnico do centro dependente da Deputación advirte de que as camelias están comezando a agromar polo que é o primeiro momento do ano no que convén aplicar un tratamento fronte ao “Cosecatus camelliae”, o ácaro causante da caída do botón floral desta especie.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.