Javier Castiñeira: “Pedimos a Cajoto altura de miras e que valore a importancia de que Altri se asente na provincia, aínda que non sexa en A Mariña, como queriamos”

Javier Castiñeira lembra que “o PP de Foz apoiou sempre a preferencia de A Mariña como ubicación desta fábrica de fibras téxtiles, sempre e cando se deran as condicións que esixía a empresa, que é que ten que defender o negocio durante todos estes anos”

Os populares lamentan “que a decisión final fora non ubicala en A Mariña”, pero recoñecemos “que é importante para os produtores madeireiros que poñen en valor o produto mariñán; é importante para os transportistas e, en definitiva, con altura de miras, é importante para a provincia e para Galicia”

No PP cren que Cajoto intenta un lavado de cara, para tratar de que se esqueza a súa inacción e incapacidade para esixir ao Goberno central un estatuto electrointensivo como o que precisa a industria como Alcoa, que esa si é unha decisión política

Castiñeira asegura que o alcalde fai “teatro, un teatro que só é pateadura política, porque o señor Cajoto sabe perfectamente que isto é unha decisión empresarial, non política”. Ínstao a reclamar unha modificación do estatuto electrointensivo na liña que piden os sindicatos.

Para o PP “é un proxecto de país, polo que non podemos quedarnos no localismo barato do señor Cajoto, que é un despropósito que nos está xerando moi mala imaxe, non só en Foz, senón en toda a provincia”

 

Os populares recomendan a Cajoto: “Déixese de pateaduras e súmese a todos os galegos que estamos satisfeitos porque unha fábrica deste tipo se ubique en Galicia e sirva para intentar paliar esa crise industrial provocada fundamental pola crise enerxética e agravada polas políticas do Goberno central”

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.