O BNG organiza unha charla informativa sobre as implicacións do parque eólico Paradela

Será este xoves ás 19:30 horas no local do A.C. de Castro de Rei de Lemos en Mosteiro Vello

O Bloque Nacionalista Galego en Paradela organiza unha charla informativa á veciñanza sobre as implicacións e afeccións da construción do parque eólico Paradela.

Este parque eólico afectará principalmente aos lugares de: Portocarreira, Abelleiroá, Bariz, Bacorelle, Casanova, Vilachá, Uceira Branca, Val do Couto, As Bustaregas, A Enxamea, San Martiño, Cereixido, Edrada, Zouro e Carballedo.

Será o vindeiro xoves, 19 de maio, ás 19:30 horas no local da asociación cultural de Castro de Rei de Lemos en Mosteiro Vello.

Contará coas intervencións da deputada do BNG no Parlamento galego, Carme Aira, a coordinadora de ADEGA en Lugo, Lucía Anido, o xurista e profesor da USC, Fernando A. de Abel e o xurista, Óscar Ínsua.

O BNG organiza estas palestras dentro da campaña Nin espolio, nin depredación. Enerxía eólica sustentábel, xusta e galega!, nas que se ofrece á veciñanza ferramentas para coñecer os posíbeis custos e desagravios que producen estas infraestruturas, como tamén, información sobre o sistema enerxético galego.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.