O BNG solicita ao Concello de Malpica nomear unha rúa ou espazo urbano co nome Luis Cancela Vecino
Ante o recente pasamento de Luis Cancela Vecino, o pasado 17 de Maio, queremos destacar a súa labor e a súa traxectoria como o primeiro Alcalde elixido democraticamente no ano 1979 permanecendo no cargo ata o ano 1991.
Durante as tres lexislaturas nas que foi o responsable do Concello de Malpica, realizou unha inxente labor que perdura no paso do tempo. Foi Luis Cancela quen puxo en funcionamento os principais servicios e infraestruturas, e realizou unha labor importantísima tanto no eido cultural como no deportivo.
En canto a súa traxectoria laboral, ademais de como alcalde do Concello de Malpica, foi profesor do IES Monte Neme de Carballo, do que tamén foi director, dedicando ao ensino toda a súa vida profesional. Un bo político, bo mestre e mellor persoa.
Tendo en conta a súa traxectoria e dedicación aos veciños e veciñas do Concello de Malpica, a honestidade e o traballo desenvolvido durante o seu mandato e o recoñecemento por parte da maioría da veciñanza a Luis Cancela como “o mellor alcalde que tivo Malpica”, dende o BNG consideramos que debe ter unha mención especial, sen menospréceo da labor realizada por outros alcaldes ou mandatarios posteriores. Por todo o anterior exposto
SOLICITAMOS:
Ao equipo de goberno do Concello de Malpica, ao inicio dos trámites e xestións oportunas, previo consenso de todos os grupos da corporación:
- A realización dun acto público de recoñecemento a Luis Cancela Vecino pola súa traxectoria política, como Alcalde do Concello de Malpica, pola honestidade, xenerosidade, polo traballo realizado na defensa dos intereses de todas as veciñas e veciños.
- Nomear unha rúa ou espazo urbano co nome Luis Cancela
Foto portada NH Galicia
