O Clube dos cinco (S.D. Sofán)

Pecha unha etapa para cinco dos xogadores que viviron este ano momentos coma o campionato de Liga e unhas semifinais de Copa na Sd. Sofán. Unha mochila ás costas ca que parten porque o implacable tempo marca a fin do ciclo xuvenil, nunha última tempada para gardar na memoria e revivir cando, andado o tempo, quizais volvan a reencontrarse nalgún campo ou, quen sabe, outra vez na mesma casa.

Lucas Rey e Mario Rodríguez foron o baluarte baixo paus, artífices en boa parte de manterse invictos ao longo dos meses, calidade e presenza que ningún rival deixou de temer. Fabián Souto e Lucas García, o sangue vermello que nace no mesmo berce, fillos de Souto e Luciano respectivamente, directivos do clube no que medraron defendendo as súas cores. Ramón Páez chegaba coa competición xa en marcha, pero capaz de adaptarse rápidamente e ser, ata o final, un xogador decisivo no equipo. Os cinco fixeron este venres o seu último adestramento no Carral coma xogadores xuvenís, co corazón mergullado dalgún xeito xa na nostalxia, nun tempo feliz que durou o suficiente para que puideran ilusionar a unha afección que tivo ocasión de corear os seus nomes moitas veces, á que fixeron desfrutar e emocionarse, cada un desde o seu posto e o seu xeito de ser. Desde ese corazón tinguido de vermello que os unirá para sempre na historia dun clube ao que eles cinco xa pertencen para sempre.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.