Podemos Galicia celebra que o Goberno de coalición “vaia poñer fin á discriminación das mulleres do mar”

Podemos Galicia celebrou a aprobación da Lei de Pesca Sostible e Investigación Pesqueira por parte do Consello de Ministros que introduce cambios nas cotas e coeficientes redutores para a idade de xubilación en actividades pesqueiras de risco

«Por fin acábase con esta discriminación inxusta para as profesións máis feminizadas. Grazas á presenza de Unidas Podemos no Goberno poñerase fin ás desigualdades que afectan o sector da pesca, era unha demanda histórica e púidose abordar», sinala a voceira de Podemos Galicia, Verónica Hermida.

Segundo datos do Ministerio a medida afectará a 5.300 traballadoras, entre elas, mariscadoras da pé,  redeiras,  neskatillas e empacadoras. Unhas profesións especialmente duras e que provocan enfermidades debido ás condicións agresivas propias do mar.

«Este é o camiño para seguir e o futuro pasa por darlle voz ás mulleres nas mesas de negociación e nos debates onde se fala destas cuestións que afectan o seu sector. Esta medida non só mellorará a vida das mariscadoras, senón que abre paso á substitución xeracional, algo tan necesario nas profesións do mar», sinala Hermida.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.