Castiñeira: “Tomé é un peloteiro de Sánchez e por moito que decidamos no pleno de hoxe vai facer coa A-6 o mesmo que co estatuto electrointensivo: nada”
Os populares din que a provincia está seriamente preocupada polo futuro inmediato, que liga directamente a unha solución rápida e eficiente do derrubamento do viaduto en O Castro.
Javier Castiñeira di que unha vez máis se demostra que o presidente da Deputación é “nada esixente e moi condescendente coa deixadez do presidente Sánchez coa nosa provincia”
Os populares sosteñen que Tomé “apenas discute con Sánchez o que é bo para a provincia, e así abandonou á industria e ao campo; nesa mesma liña é partidario de aprobar leis ideoloxizadas, como a do lobo, ou a de costas, que vai contra os intereses de todos os mariñáns”
O portavoz popular está convencido de que “Tomé asinte a todo o que lle manda Sánchez, polo que, por moito que decidamos hoxe, vai seguir pasando de todo, o cal é unha desgracia para a provincia”
Castiñeira destaca que “dende o grupo provincial do PP temos a conciencia tranquila porque defendemos, alí onde estamos nas institucións, os intereses dos nosos veciños, moi por riba dos intereses do partido ao que pertencemos”
