Este San Xoán deixou nos areais coruñeses un 11% menos de lixo que no 2019

O Concello da Coruña destaca o aumento da recollida de vidro fóra das praias grazas ao dispositivo de control establecido

O servizo de limpeza do Concello da Coruña recolleu durante o dispositivo de limpeza das praias polas celebracións de San Xoán, segundo un primeiro reconto, un total de 86 toneladas de lixo, das que se estima que un 20% son algas presentes nos areais.

En comparación co último ano antes da pandemia, o 2019, o volume de lixo recollido é un 11% inferior, o que evidencia un maior compromiso da cidadanía para evitar deixar desperdicios nos espazos naturais da cidade. Por outra banda, aumentou a recollida de vidro nos puntos habilitados ao longo do Paseo Marítimo. Este ano contabilizáronse 2.300 quilos máis que no 2019. O Concello destaca o servizo de control de entrada ás praias como un dos motivos deste aumento.

Segundo os datos, foi a noite de San Xoán máis limpa en comparación co resto de anos dos que constan estatísticas. O Goberno municipal de Inés Rey organizou un dispositivo sen precedentes que foi apoiado por unha maior concienciación da cidadanía. O Concello agradece a colaboración amosada por todos nesta noite tan emblemática.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.