Jesús Fernández comunica á dirección provincial e aos afiliados que non encabezará a lista do PP de Navia de Suarna nas vindeiras eleccións municipais

Jesús Fernández comunica á dirección provincial e aos afiliados que non encabezará a lista do Partido Popular de Navia de Suarna nas vindeiras eleccións municipais. Deste xeito, continuará como voceiro do Grupo Municipal e como concelleiro ata o remate do actual mandato, e ábrese así o proceso de renovación da formación nesta localidade.

Jesús Fernández encabezou a lista do PP dende 2007, pero nesta ocasión decide dar un paso atrás por vontade propia. Faino “cun gran compromiso cos veciños e co Partido”, ao cal, di, “seguirei axudando en todo o que precise”.

A dirección provincial agradece o traballo desenvolvido polo popular durante estes anos, “así como a súa colaboración en todo o que se lle pediu”. “Son dous valores que o destacaron sempre e cremos que é de xustiza dicilo publicamente”, engade.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.