O BNG presenta alegacións ao proxecto de parque eólico Paradela

Este parque afectará á parroquia de Castro de Rei de Lemos

O Bloque Nacionalista Galego presenta alegacións polo proxecto do parque eólico Paradela.

Este parque eólico afectará principalmente aos lugares da parroquia de Castro de Rei de Lemos. Como son: Portocarreira, Abelleiroá, Bariz, Bacorelle, Casanova, Vilachá, Uceira Branca, Val do Couto, As Bustaregas, A Enxamea, San Martiño, Cereixido, Edrada, Zouro e Carballedo.

O BNG inicia este procedemento, xunto coa veciñanza afectada, para frear o boom eólico depredador e especulativo das grandes empresas enerxéticas. A posíbel construción do parque eólico Paradela afectará en moitos aspectos socioecónomicos á veciñanza destes lugares, sobre todo polo impacto ambiental, o ruído, a incidencia no patrimonio natural e o freo á actividade agrogandeira e forestal da zona.

O Bloque aposta pola participación pública das enerxías renovábeis tanto na súa promoción como na explotación, cun modelo feito e desenvolto en Galiza. Este modelo permite protexer os espazos naturais, garantindo a súa sustentabilidade. Ao que tamén, proporcionaría que os beneficios xerados poidan reverter nas galegas e galegos co impulso dunha tarifa eléctrica galega que abarate o prezo da luz.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.