O Obradoiro de Emprego CAMIÑO DO SOLPOR IV presenta “Xullo pola Costa”

Visitas guiadas e prácticas formativas nas oficinas de turismo servirán como colofón final da formación

O obradoiro de emprego “CAMIÑO DO SOLPOR IV” na súa recta final ampliará a oferta de rutas nos diferentes concellos nos que se desenvolve debido á boa acollida por parte do público durante os meses de maio e xuño.

“Xullo pola costa”, é un programa elaborado integramente polo alumnado-traballador, que engloba dende o deseño até o contacto cos visitantes. Terá lugar todos os martes e xoves o vindeiro mes de xullo, o obxectivo é a posta en valor dos diferentes atractivos das vilas, así coma que a poboación local e visitantes os coñezan.

Neste mesmo mes o alumnado-traballador comeza coas súas prácticas formativas nas Oficinas de turismo dos concellos participantes: Dumbría, Cee e Corcubión.

Programación:

Concello de Cee:

  • Lires: Os camiños das mulleres infinitas, os días 5 e 12 de xullo. No percorrido os visitantes poderán mergullarse nos traballos e saberes das mulleres da parroquia de Lires gozando ao mesmo tempo do mar, das praias e da maxia do lugar. Trátase dun roteiro circular, de 7km cunha duración aproximada de 3h e 30 min, que partirá as 9h 30 min da mañá dende a igrexa de Santo Estevo.
  • Os días 14 e 21 de xullo, Cee: Pegadas da nosa historia, unha ruta urbana que se desenvolverá dende o paseo marítimo ao casco histórico. A visita pretende a través dos diversos elementos patrimoniais e persoeiros destacados dar a coñecer o pasado da vila. O punto de encontro será nas casetas do paseo marítimo ás 11h00 da mañá e contará cunha duración aproximada de 1h e 45 min.

Concello de Corcubión:

  • Cunha viaxe ao pasado industrial e mariñeiro de Corcubión, co nome de Mar, Carbón e Sal na que se pon en valor a importancia que tivo o mar nesta vila, seguindo os restos e tesouros que chegaron ata os nosos días. Duración aproximada de 1h e 30 min, partirá da Oficina de Información Turística de Corcubión ás 11h00, os días 5 e 12 de Xullo.
  • Dende este mesmo punto, á mesma hora reencontrarémonos o 7 e 19 de Xullo con Un paseo pola historia de Corcubión, que transcurrirá polo casco histórico desta vila mariñeira e terá como fio condutor a historia, o patrimonio e a tradición oral. Terá unha duración de 2h e partirá da Oficina de Turismo de Corcubión ás 11h00.

Concello de Dumbría:

  • O concello anfitrión realizará a visita “Luces de saín: as mulleres do Ézaro a través dos ollos de Ruth Matilda Anderson” os días 7 e 14 de xullo. A ruta pretende visibilizar unha historia, a das mulleres do Ézaro que permaneceu oculta durante séculos e que en parte foi e segue a ser descoñecida. Cunha duración de 1h e 30 min partirá ás 11h00 da escultura do Golfiño do paseo marítimo do Ézaro.

Inscrición e reservas

As visitas guiadas terán un aforo limitado por orde de inscrición, polo que será necesario anotarse previamente de luns a venres de 9-14h no teléfono 676 657 565.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.