O PP de Pol insta ao goberno municipal a iniciar o proceso de mellora da igrexa da parroquia de Caraño do século XV

Na actualidade a situación da igrexa da parroquia de Caraño en Pol ten visiblemente molestos aos veciños do municipio, pois teñen unha igrexa en condicións nefastas, sen acondicionar e sen arranxar.

Dende o Partido Popular de Pol ínstase ao goberno municipal a iniciar o proceso de mellora do templo parroquial. “Os veciños non merecen esta situación. Pedimos ao Concello que se ocupe inmediatamente das reformas precisas para o seu acondicionamento e posta en marcha. É unha situación que provoca un gran malestar nos veciños da parroquia” afirma a formación popular.

“Lévase prometendo ano tras ano o arranxo das deficiencias, e ata o día de hoxe segue sen encontrarse unha solución óptima”, explican dende o grupo popular de Pol. A única medida que aportou o goberno foi trasladar a igrexa a unha nave que os veciños califican de “igrexa nova”, nunhas condicións que deixan moito que desexar. Esta situación provoca malestar e incertidume nos veciños, que o único que queren é ter unha igrexa en bo estado.

Desinterese continuo

Durante o mandato do actual goberno municipal, o alcalde non tomou medidas para enmendar este problema, que afectan a todos os habitantes de Pol. O goberno local amosa un desinterese continuo ante as queixas veciñais. Agora que se achega a época electoral mostra unha preocupación carente de valor, pois, como está demostrado incurre no moito prometer pero pouco cumprir.

 

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.