Asier Comendeiro renova polo Calvo Basket Xiria

Vai ser a 4º tempada do ala-pivot coruñés en terras carballesas, na que o CALVO BASKET XIRIA recupera a categoría nacional e onde Asier volverá a demostrar a súa valía e polivalencia coma xogador exterior e interior

Asier Comendeiro Rodríguez (A Coruña · 1996), tras a gran tempada realizada en 1ª Autonómica, sendo o xogador do equipo con mellores porcentaxes e valoración global, o xogador criado en categorías base do Liceo la Paz, volverá ser unha peza importante no organigrama do CALVO BASKET XIRIA, para a vindeira tempada 2022/23.

Xogador polivalente que pode xogar de interior, dada a súa soltura baixo taboleiros, pero que tamén o fai coma exterior, adaptándose a que foi a súa posición natural e polo tanto converterse nun xogador difícil de defender. A pasada tempada na 1ª Div. Autonómica, promediou 15 puntos en 23 minutos, nos 23 partidos xogados, quedando en 3º posto do TOP 20 da Liga. En Liga EBA, esta será a súa 6 tempada, dende que que debutara co Basquet Coruña sendo sénior de primeiro ano. Leva disputados case 1700 min., con 474 puntos, e 295 rebotes.

• https://baloncestoenvivo.feb.es/jugador/848550/1460765
• https://competiciones.fegaba.com/jugador/estadistica/2021/c0572974-eb38-11e9-83ca-0216824770c2/ASIER%20COMENDEIRO%20RODRIGUEZ/8302

Traxectoria Deportiva:

• Xogador CALVO BASKET XIRIA (Autonómica + Liga EBA). Escola Basket Xiria. Dende tempada 2019/20 á actual – 4 anos.
• Xogador de Narón Baloncesto – Liga EBA – CB Narón. Tempada 2018/19.
• Xogador de Leyma Basquet Coruña – Liga EBA e Sénior. Club Basquet Coruña SAD. Dende ano 2014/15 ata tempada 2017/18.
•  Xogador do Colexio Liceo la Paz – Categorías Base. Ata tempada 2016/17.