Marín acollerá esta fin de semana a I Xornada de tecnificación de Mulleres Ciclistas

Cerca de 70 mulleres ciclistas daranse cita esta fin de semana na nosa vila, coa celebración da primeira edición da Xornada de Tecnificación Mulleres Ciclistas, que convocará a carreteiras, ciclocrosistas, beteteiras, endureiras e descenders o 2 e 3 de setembro no colexio do San Narciso

O evento foi presentado esta mañá no Concello por parte da alcaldesa, María Ramallo; o concelleiro de Deportes, Antonio Traba; o secretario da Federación Galega de Ciclismo, David Carrillo, e a ciclista do Club XSM, Irene Trabazo.

O venres pola tarde será o turno de catro ponencias, a cargo de Lucía González, campiona de España CX; Alicia González, ciclista do Movistar Team; Eva Castro, campiona de España de DH&4X e a propia Irene Trabazo, campiona de Galicia CX.

O sábado, a xornada comezará por la mañá con adestramentos a cargo de Trabazo e Castro e continuará pola tarde con dúas charlas, unha sobre nutrición deportiva, a cargo da nutricionista e campiona de España de XCO & CX, Lucía Vázquez, e outra sobre psicoloxía deportiva, que impartirá a psicóloga Blanca Izquierdo.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.