O sábado 10 de setembro, Treixadura actuará da man do Xacobeo na praza da catedral de Mondoñedo

Mondoñedo prepárase para as festas patronais dos Remedios. Un dos pratos fortes é a actuación, o sábado dia 10 de setembro, na praza da Catedral, ás 22.30, do grupo Treixadura, cun espectáculo musical sorprendente, presentarán o seu novo traballo, Camiño longo e celebrar co público asistente os máis de 30 anos de andaina do grupo.

Con Camiño longo, como explica o grupo musical na súa páxina WEB, «Treixadura quere recuperar as melodías dos inicios do grupo para descubrir como lles acae a madurez e a experiencia aos temas máis emblemáticos. Este disco é o rexistro dunha parte da vida compartida con todo o público do grupo: 30 anos de emocións que embotellamos coa esperanza de que vos leven, coma a nós, a revivir momentos entrañables».

O concerto foi presentado polo alcalde de Mondoñedo, Manuel Otero, a presidenta da asociación Gaita Escola Mondoñedo, Teresa Lodos, do vicepresidente, César Picoaga, e o concelleiro de Cultura, Alberto García.

A actuación de Treixadura coinciden co X aniversario dos Cantos de Taberna, no que van participar unha ducia de locais de hostalaría do municipio.