Os socialistas de Baralla emprazan eo alcalde do PP a cumprir os acordos do Pleno e sensibilizarse co colectivo LGTBI

O Voceiro Socialista, Jaime González criticou hoxe a actitude despota e autoritaria do Alcalde e o do seu equipo de Goberno, “xa que non queren cumprir os acordos que se aproban no Concello”. Así o dixo, tras comprobar na última sesión plenaria a negativa do Alcalde para colocar a bandeira LGTBI na casa Concello, tal e como se acordou. “Neste pleno o rexedor recoñeceunos que a bandeira LGTBI non vai ondear nin nas datas do orgullo, nin noutras”, critican dende o PSdeG.

Jaime Gonzalez advirte ademais “que tampouco as redes sociais, nin a páxina web do concello recollen ningún tipo de alusión ou referencia como concello amigable LGTBI, nin a declaración de concello libre de agresións cara este colectivo. Unha iniciativa que xa fóra aprobada no pleno, co fin de amosar a universalidade dos dereitos humanos e contra calquera tipo de discriminación na nosa vila. Por iso dende aquí, e vista esta actitude, ofrecemos para oficiar vodas as parexas que desexen dar este paso no noso concello”, avanzou.

Dende o PSdeG emprazan ao Alcalde e ao seu equipo de Goberno “a viaxar un pouco máis polo mundo, coñecer outras realidades sociais para comprobar que é necesario loitar contra a LGTBIfobia e traballar na promoción da diversidade sexual e de xénero, dende calquera recuncho do mundo. E por suposto, dende Baralla tamén debemos acabar coa discriminación que provoca o sexismo en todos os ámbitos da nosa vida cotiá. Non podemos mirar para outro lado cando se trata de defender os dereitos das persoas”,  remarcan.

O voceiro socialista incide en que son necesarias iniciativas de sensibilización cara este colectivo. “Nós vamos a seguir loitando para acadar unha normalidade que xa debería estar plenamente consolidada en calquera sociedade democrática. Tódolos esforzos son poucos para seguir avanzando ata conseguir unha cidade igualitaria e sen violencia”, inciden os socialistas.

 

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.