PP Vilalba. «Falta de respecto coa Xunta do goberno vilalbés á hora de trasladar información errada sobre a cancelación do concerto do Xacobeo 21-22»
Os populares vilalbeses condenan as formas do PSOE por “empregar o Concello, a través das redes sociais, para facer conflito político”
A voceira, Sandra Vázquez, considera que “vendo as condicións meteorolóxicas a mellor decisión que puideron tomar, neste caso, o artista e a axencia contratada, foi cancelar o concerto” para evitar riscos
A popular cre que “os concertos do Xacobeo 21-22 son un revulsivo para os concellos nos que se celebran independentemente da cor política do seu goberno” e lamenta que “ao PSOE vilalbés lle moleste a inversión da Xunta”
