Resposta de Ecoloxistas en Acción e AGA ao alcalde de O Saviñao pola carreira de burros no seu Concello

Ecoloxistas en Acción Galiza e AGA: «A única norma institucional que serve para evitar o sufrimento animal, é que se deixen de utilizar como obxectos lúdicos para que se divirtan as persoas».

Señor alcalde O Saviñao, Juan Carlos Armesto Quiroga, en Galicia hai infinidade de actividades que nos representan e que son motivo de orgullo, nas que non teñen como centro de atracción aos animais. O dicir que a carreira de burros en Escairón «É unha actividade lúdica, que ten moitísimos anos de tradición e faise para enxalzar a figura dese animal e para agradecer ou seu papel non campo», nos tempos que corremos, indícanos unha gran falta de sensibilidade e evolución social. As persoas así como as tradicións cambian e isto fixo que haxa tradicións que desapareceron ou vaian desaparecer por ser perigosas e crueis. «La Carrera de Burros en Vitoria desapareceu en 2015 sen facer moito ruído, como unha evolución natural nunha cidade que avanzou cara ao respecto aos animais e foi substituída polas Carreiras de Barricas».A cidadanía galega non goza vendo sufrir aos animais. Se realmente é tan emblemático o burro na rexión do Saviñao, realicen actividades de concienciación para a súa protección e coidado. Sensibilicen a menores, novos e adultos para que os respecten xa que durante anos serviron fielmente aos seus donos nos labores do campo. Realizar unha carreira fai todo o contrario. Aínda que vostede e todos os que o rodean non o crean, o animal comeza a sufrir desde o mesmo momento en que o sacan da súa contorna e cámbianlle a súa rutina diaria. E nin que dicir de cando se lle acurrala no medio de xente que grita e obrígalle a correr, cando mentalmente está bloqueado polo terror que lle xera a situación.Os veterinarios e os etólogos son os únicos que poden decidir se hai sufrimento animal e non «unha declaración institucional con normas para evitalo». A estes especialistas é aos que asociacións como Ecoloxistas en Acción Galiza e Activistas Galegas Antiespecistas e demais colectivos acudimos para obter información. O que se lle faga unha revisión ao comezo da carreira non libra aos animais de todo o proceso de estrés que sofren para compracer as necesidades de diversión dos presentes.

Por tanto, desde Ecoloxistas en Acción Galiza, Activistas Galegas Antiespecistas (AGA) e demais colectivos que loitan por acabar cos malos tratos animais e os festexos que os utilizan como reclamo lúdico, solicitamos ao Concello O Saviñao e ao seu Alcalde que escoiten a voz dos expertos, que afortunadamente temos moi bos en Galicia, á ciudadanía en xeral e que se lean a nova Lei de Benestar Animal para que o ano que vén organicen uns festexos máis creativos, con actividades lúdicas que non utilicen ao burro como elemento de atracción, senón como exemplo do que se está facendo por preservar e coidar a este emblemático animal.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.