Dani Vega: “Agradecemos á comisión polo esforzo que fixeron para facer posible unhas boas festas en Cedofeita”

O voceiro do PP en Ribadeo, Daniel Vega, destacou o esforzo que fixo a comisión organizadora “para facer posible unhas boas festas en Cedofeita”. O popular explicou que “en moitas ocasións non agradecemos o suficiente ás comisións o traballo que fan. En moitas ocasións reina o individualismo e nós o que queremos e que colaboremos entre todos”. Ademais, o popular quixo destacar que volven as festas a Cedofeita despois do parón pola pandemia.

Desde o grupo municipal popular “colaboraron coa comisión xestionando o orzamento para levar ás festas de Cedofeita grupos musicais como o cuarteto Xaramolo, a colocación da carpa e a cartelería para promocionar as festas.

“Sufragamos os gastos das festas nun momento de complicación onde non hai recursos. Creo que as administracións teñen o deber de dar un paso adiante para axudar neste momentos difíciles, por iso seguiremos xestionando o orzamento para seguir na labor de traballar por un Ribadeo mellor”, explica Dani Vega.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.