Inés Rey dálle a benvida ao novo alumnado da UDC

A Universidade celebrou unha xornada de inicio, con bolseiros/as doutorais e alumnado chegado doutras partes do mundo

A alcaldesa, Inés Rey, asistiu esta mañá á xornada de apertura organizada pola Universidade da Coruña, orientada ao alumnado que inicia este curso na UDC. A alcaldesa deulles a benvida aos novos alumnos e alumnas á Coruña, xunto coa vicerreitora de Estudantes, Participación e Empregabilidade, M.ª José Lombardía Cortiña e o reitor da UDC, Julio Abalde Alonso.

Entre o alumnado atopábanse persoas beneficiarias das bolsas Erasmus ou de convenios bilaterais chegadas de diferentes puntos de Europa e Latinoamérica. Tamén alumnado de doutoramento doutros puntos de España. “Sodes o claro exemplo de que esta Universidade continúa atraendo o mellor talento, contribuíndo a que A Coruña siga sendo unha cidade de referencia en todos os ámbitos” sinalou a alcaldesa.

“Espero que gocedes moito da Coruña. Unha cidade aberta e acolledora na que moi pronto vos sentiredes coma na casa e que espero, se converta na vosa cidade de vida no futuro” concluíu Inés Rey.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.