O OUR FEST Xacobeo conquista a escena musical cunha xornada inesquecible

Máis de 4.000 asistentes gozaron o sábado de cinco concertos en Ourense para pechar o verán ao grande

A resaca emocional trala experiencia vivida onte en Expourense esparexe a tal hora por toda a península. O público do OUR FEST Xacobeo pensa xa na segunda edición do festival porque ansía repetir o goce do sábado, na que Ourense conquistou a escena musical cunha xornada irrepetible.

O guión incluía un cartel excepcional e a un público con moitas ganas de gozar do festival ao grande, polo que as expectativas antes do evento cotizaban á alza. Á conclusión do mesmo, estas foran superadas por creces; o OUR FEST Xacobeo foi moito máis que o último gran festival do verán, foi unha desas vivencias que se desexan interminables, que se garda agora como recordo indeleble.

Un festival que resultou interxeracional, pois entre as persoas asistentes había familias, grupos de amigos e amigas de todas as idades, e unha atmosfera que propiciou que todo fluíse á perfección. O cartel do OUR FEST Xacobeo apostaba a unha xornada inesquecible e así foi, sobre o escenario houbo maxia.

Os asistentes quentaron motores durante a previa, porque o inicio do festival, coa proposta de Julián Maeso, xa foi ao grande. Congregou sobre o escenario, ao seu ao redor, a once músicos galegos de primeiro nivel en formato Big Band. Xunto a eles ofreceu un concerto único no que os seus temas soaron como nunca. Un concerto realmente especial, pois Julián Maeso aproveitou o OUR FEST Xacobeo para presentar por primeira vez esta proposta que agora xa soña con repetir.

O OUR FEST Xacobeo supuxo tamén o debut en Galicia da proposta de The Big Moon. Nunca antes o cuarteto londinense había interpretado os seus hits na rexión, e as ganas de gozar con elas notábanse no público. Interpretaron os temas do seu álbum ‘Walking Like We Do’, publicado o pasado 2020, e tamén adiantos do que será o seu terceiro traballo ‘Here Is Everything’. Con elas comezou o baile que nunca cesou.

As barras e os food trucks, que contaron cunha ampla oferta gastronómica e que resultaron un éxito para os asistentes, baleiráronse pasadas as 21.00 horas. Ninguén quería perderse o esperado pase de Belle & Sebastian; para moitos dos asistentes, a súa música conforma a banda sonora da súa vida, e é que sobre o escenario fixeron gala dos 25 anos de traxectoria que acumulan ás súas costas. Interpretaron os temas do seu undécimo álbum ‘A Bit of Previous’, pero tamén houbo espazo para os seus grandes éxitos. As súas cancións, clásicas e á vez orgánicas e bailables cun punto funky e góspel, combinadas cun directo espectacular, tradúcense nun concerto inesquecible.
A festa proseguiu con Metronomy, que demostrou por que se trata dunha das bandas máis importantes actualmente na escena do pop electrónico. Joe Mount conquistou ao público do OUR FEST Xacobeo cos temas de ‘Small World’, o último traballo da banda, pero tamén cos grandes hits do seu amplo repertorio, como o coreado ‘The Look’. Óscar Cash, Anna Prior, Olugbenga Adelekan e Michael Lovett, xunto a Mount converteron o festival nunha elegante festa pop.

E no máis alto chegaron eles, para lograr subir aínda máis as ganas, a ilusión e gozar do festival. O concerto de Primal Scream era o máis esperado do OUR FEST Xacobeo, e non defraudou; o aclamado grupo escocés de rock, con máis de catro décadas de traxectoria, celebra nesta xira o 30 aniversario do seu icónico álbum ‘Screamadelica’ que marcou toda unha época. Ademais, Bobby Gillespie, Andrew Innes, Martin Duffy, Simone Butler e Darrin Moone tamén repasaron outros temas clásicos da súa extensa traxectoria.

Foi un peche de fogos artificiais a unha xornada na que non houbo tempo para o descanso,  pois entre grupo e grupo, os cambios de escenario amenizáronse coas sesións dos aclamados Djs Isaac Pedrouzo, Dj Lagartija e Fernandes Dj. Cando, tras o concerto de Primal Scream achegábase o final do evento, Pedrouzo puxo a guinda con última sesión que o público agradeceu enormemente, pois ninguén quería marcharse e que aquilo terminase.

Así, á conclusión, só podíase pensar xa na segunda edición. O balance do debut do OUR FEST Xacobeo resulta realmente positivo en todos os aspectos, pois a súa celebración tivo unha repercusión directa na provincia; Ourense foi, durante a xornada do sábado, o epicentro da música internacional. Congregou a máis de 4.000 asistentes, persoas chegadas de toda a provincia, a comunidade e a península.

OUR FEST Xacobeo está enmarcado dentro de Concertos do Xacobeo, unha iniciativa que oferta música en directo de primeira calidade na que a cidade de Ourense súmase aos máis de 100 eventos por toda Galicia que se desenvolven entre os meses de maio e novembro de 2022. Máis de 350 bandas e artistas, nacionais e internacionais de todos os estilos. Para todas as idades, para todos os gustos.