Vilalba renovará os camiños que dan acceso aos barrios de Len e Penarredonda, na parroquia de Belesar

O Concello de Vilalba renovará dúas estradas de titularidade municipal que dan acceso aos núcleos de Len e Penarredonda, na parroquia de Belesar.

En concreto, os traballos incluirán a apertura e limpeza de noiros, drenaxe, rexeneración do firme e sinalización dos viais. O orzamento das obras é de 43.538,27 euros.

Estas dúas estradas municipais comunican vías de maior relevancia e capacidade coas vivendas dos veciños da parroquia de Belesar. Teñen polo tanto unha importancia fundamental para a circulación de vehículos lixeiros, pesados e maquinaria en dirección ás domicilios particulares, explotacións agrogandeiras e parcelas agrícolas ou forestais.

O continuo uso ó que se viron sometidos estes dous viais, así como as condicións meteorolóxicas e o paso do tempo, causaron que os noiros das estradas se saturen de terra vexetal, provocando que as augas pluviais non se evacúen da plataforma da estrada e xerando danos sobre a capa de rodadura.

As obras consistirán na limpeza de noiros e tubaxes de todo tipo; a mellora do drenaxe mediante a colocación de tubaxes adicionais; o recargo e nivelación das capas base, mediante zahorra, macadam ou gravillón onde sexa preciso; a pavimentación mediante dobre ou triple rego asfáltico en toda a superficie, e a sinalización vertical das interseccións.

“O Concello de Vilalba executa de maneira continuada obras de conservación, mantemento e mellora destes viais de titularidade municipal, dando resposta ademais ás demandas veciñais”, asegura Luis Fernández, concelleiro de Infraestruturas de Vilalba.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.