Galicia en Común pide ao Goberno que se axilicen as axudas para as persoas afectadas polos incendios na Serra do Courel

Galicia en Común rexistrou unha batería de preguntas no Congreso dos Deputados sobre a falta de medios e medidas para combater os incendios en O Courel

O deputado de Galicia en Común e secretario xeral de Podemos Galicia, Antón Gómez Reino, alega que “As axudas están a tardar máis do previsto e as familias e municipios necesítanas xa. Non temos noticias sobre cando van chegar nin de que maneira e é unha información que é xusto que as persoas afectadas o saiban para o seu futuro máis próximo”.

Gómez Reino tamén denunciou que a Xunta está incumprindo a normativa europea para a conservación dos hábitats naturais e da fauna e flora silvestres, como así informou a Comisión de Medio Ambiente. “É unha vergoña que Europa non faga máis que sinalar á Xunta por incumprir a lei e por maltratar ao patrimonio natural de Galicia. Oxalá non houbese consecuencias tan grandes como estes incendios que provocaron o desaloxo de 60 aldeas e calcinaron máis de 11.000 hectáreas, pero así é. O Goberno de Rueda e antes o de Feijóo son os culpables de que os montes estean desprotexidos e iso é algo que pagamos todas”.

Na iniciativa xa rexistrada no Congreso preguntan ao Goberno se vai obrigar á Xunta a cumprir a normativa europea para a protección de 65 zonas da Rede Natura, así como se coñece se o Goberno galego iniciou as tarefas para a protección de ladeiras, aldeas e ríos polo arrastre de terra e cinzas tras os incendios.

“Hai que reverdecer estes espazos e volver encher de vida os nosos montes e iso só pode facerse a través de políticas públicas e do consenso cos actores sociais e comunidades de veciños, que son os que realmente coñecen os bosques e poden protexelos día a día. Temos recursos para facelo, fai falta iniciativa política para o forestal, pero o PP nunca a tivo nin a terá”, apostila o deputado.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.