O BNG insta ao Goberno a presentar xa o recurso contra o veto á pesca de fondo aprobado pola Comisión Europea

 Unha delegación do Bloque mantivo un encontro co sector pesqueiro na lonxa da Coruña

Unha delegación do BNG -integrada pola eurodeputada Ana Miranda, as deputadas no Parlamento Galego, Mercedes Queixas e Rosana Pérez, o portavoz municipal Francisco Jorquera e a concelleira Avia Veira- mantivo un encontro co sector pesqueiro na lonxa da Coruña, -encabezado polo seu xerente, Juan Carlos Corrás- para avaliar a resposta á decisión da Comisión Europea de vetar a pesca de fondo en 87 caladoiros do Atlántico, que afecta a máis de 200 barcos de capital galego e máis de 4.000 tripulantes.

Para o BNG é imprescindible que se produza a moratoria na aplicación do novo regulamento de pesca e que o goberno estatal presente “xa” o recurso contra a súa execución, tal e como demanda o sector. Salientaron ao respecto que o sector conserveiro e pesqueiro, -pese as limitacións impostas polas TACs e as cotas de pesca e o impacto derivado do Brexit-, é un sector estratéxico, xa que xera en Galiza 9.000 millóns de euros ao ano e representa case o 6% do Produto Interior Bruto.

Ana Miranda reclamou ademais “información transparente” sobre os informes científicos e de impacto socioeconómico empregados pola Comisión Europea, xa que a propia Comisión recoñece que non están actualizados e sinala problemas na recepción de datos emitidos polos Estados Membros. Neste sentido indicou que xa os solicitou tanto na Comisión de Pesca da Eurocámara celebrada o pasado luns como por escrito.

A eurodeputada nacionalista anunciou ademais que no pleno do Parlamento Europeo que a vindeira semana se celebra en Estrasburgo debaterase este veto na sesión do xoves. “Desde o BNG volveremos subliñar que esta decisión é inxusta e desproporcionada e que só ten o obxectivo de expulsar a frota galega destes caladoiros de forma que o mercado terá que abastecerse de pesca que está sometida a menos controis que os europeos”, manifestou Miranda.

Axudas ao sector

“Cabería preguntarse se é máis sustentábel unha medida que suporá incrementar a importación de peixe doutros países, co impacto ambiental que supón o seu transporte; peixes comercializados, ademais, sen as garantías sanitarias que rexen na pesca na Unión Europea”, sinalou ao respecto o portavoz municipal Francisco Jorquera, quen tamén expresou dúbidas sobre a sustentabilidade de que, en plena crise de prezos e en plena crise alimentaria, se adopte unha medida que encarecerá aínda máis o peixe, expulsándo-o da dieta dos segmentos sociais de menores ingresos.

Segundo salientou Jorquera, cómpre artellar un paquete de axudas para asegurar a superviviencia dun sector estratéxico na nosa economía mentres non se resolvan a moratoria e o recurso. “Defendemos políticas que aseguren a pervivencia dos ecosistemas mariños, pero iso é conciliábel coa protección dunha actividade pesqueira que é estratéxica para territorios de alta dependencia da pesca como Galiza”, concluíu.

2 comentarios

  • JULIO ASOREY

    El Gobierno ya debería de haberse reunido con todos Vdes. y haber participado todos en esa demanda ,que llega tarde al ser conocido con tiempo,sin objetar nada por parte del Estado español.

    Sus palabras «so ten o obxetivo de expulsar a frota galega destes caladoiros»no proceden .

    La Comisión,trata de que determinado tipo de buques que arrasan los fondos marinos «sobreexplotados»,dejen de hacerlo ,pero esos buques,en su mayoría viejos coincide que son, abanderados en España.(Conoce perfectamente el «modus operandi» del Armador nuestro que sin «ayudas» Estatales o Europeas parece no disponer de dinero para construir buques acordes a su negocio .Revise la edad de los que habían sido construídos con subvenciones públicas
    que serán excluídos y seguramente se sorprenderá).

    En cuanto a «la calidad» del pescado,no se alarmen y observen que esas declaraciones «ya no cuelan»!.
    En el Corte Inglés la gente compra» lubrigante Canadiense» para hacer sus paellas por el abusivo precio del autóctono y que yo sepa ,nadie «mira el carnet» del producto y se sienten satisfechos ,( sabe elegir lo que tiene delante).

    Mezclar «crisis alimentarias»,»crisis de precios» etc..para justificar lo que ha pasado ,está «fuera de lugar» y hay que ceñirse al Recurso urgente, dándo las razones por las que se está pidiendo esa moratoria a Bruselas.

  • JULIO ASOREY

    Lo de los Arrastreros españoles ,la mayoría son de Vigo por ser el lugar dónde se han construído y los Astilleros de la
    zona pueden darles datos del número de los construídos con subvenciones (que salen de los bolsillos de todos nosotros),
    ,además ,la «edad media» de los mismos ,supera los 36 años y es superior a la de las demás flotas Comunitarias.

    Reconvertirlos para otro tipo de pesca,en su mayor parte ,tambien parece lo procedente ya que estarán amortizados y los gastos serán menores y asumibles por los propios Armadores.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.