Paseo guiado #ACoruñaMenosCoñecida con Guido Guía
Dende o proxecto Guido Guía enviamos este correo informativo sobre unha actividade que terá lugar este domingo 16 de outubro de 11h a 14h na cidade da Coruña.
Trátase dun paseo guiado por lugares «menos coñecidos» da cidade, como parte dun proxecto de paseos guiados por 11 cidades e localidades galegas.
Este proxecto naceu na cidade de Lugo no ano 2019, con 30 capítulos diferentes de paseos. Despois de estenderse pola provincia de Lugo, este outono abrímonos ao resto de provincias, comezando por Ferrol o pasado 1 de outubro (48 participantes), seguindo en Lugo o pasado 8 de outubro (46 participantes) e proseguindo agora na Coruña onde agardamos tamén unhas 40-50 persoas.
