A residencia de maiores da Milagrosa, en Lugo, celebra hoxe o seu 42 aniversario

O delegado territorial da Xunta, Javier Arias, e o director xeral de Maiores e Atención Sociosanitaria, Antón Acevedo, participaron hoxe nos actos de celebración do 42 aniversario da residencia de maiores da Milagrosa, en Lugo. O programa de actividades inclúe as actuacións do músico Davide Salgado e do mago Samuel Moreno,  así como xogos populares e propostas de realidade virtual, entre outras.

Arias lembrou que nos vindeiros meses a Xunta vai acometer unha intensa reforma do centro, á que destina un investimento de 800.000 euros, co obxectivo de adaptalo ao novo modelo residencial que ten como piares básicos a humanización e formación continuada, o aproveitamento da tecnoloxía, máis coordinación sociosanitaria e melloras estruturais. A Milagrosa conta con 54 prazas para residentes autónomos e un cadro de persoal de 31 traballadoras e traballadores.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.