Medallas de bronce para Amador Pena e Ainoa Gontán na CorreSan Nocturna

Nunha semana na que se retomou o agardado Circuíto CorreSan de Santiago de Compostela, a xornada deportiva empezou o martes, coa celebración da Carreira Popular Concello de Rianxo. Ata a vila do Barbanza desprazáronse un bo número de corredores aproveitando a festividade do primeiro de novembro. Entre os nosos atletas en idade escolar estiveron: Daniela Gil, Marcos Barcala, África Gil, Lucía Codesido e Iago Mateos. En adultos: Elena Veres e María Tarrío lograron posicionarse entre as dez primeiras mulleres, 2ª e 3ª das súas respectivas categorías Senior e Máster2. Tamén participaron: Manuel Castiñeiras, Amador Pena, José Sandá, Juan Alvarellos e Juan Luis Botana. A cita estrela da semana foi o retorno dunhas das clásicas carreiras ‘picheileras’: a CorreSan Nocturna. A primeira das probas do circuíto CorreSan, que percorre as rúas da zona vella de Santiago de Compostela, celebrouse este pasado sábado despois de varios anos de espera. A praza do Obradoiro, punto de saída e chegada para todos os atletas, foi testemuña das emocións e das celebracións deste primeiro evento, onde a representación compostelanista foi notoria. Despois de realizar unha fermosa instantánea de equipo aos pés da impoñente Catedral, os nosos disputaron cadansúas probas segundo a súa categoría.
En Escolares1 (Sub10 e Sub12): Marcos Barcala e Vega Pérez foron 3ºs da proba Sub12; na que tamén estiveron Xoel Otero, Clara López, Ariana Iglesias, Xoel Rodríguez e Sofía Suárez. Tamén houbo corredores branquiazuis na carreira Sub10, como Xan Vilas, Xián Martínez, Noa López, Daniela Gil, Xabi Alegre e Adrián Lorente.
En Escolares2 (Sub14 e Sub16): Paula Fernández foi a 2ª rapaza en entrar na meta, 1ª da
categoría Sub14. Gonzalo Pérez e Lucía Taboada participaron da proba Sub14. En Sub16
correron: Iago Mateos, Hugo Otero e Iago Fernández.
Amador Pena e Ainoa Gontán foron 3ºs clasificados da carreira absoluta con 18:18 e 21:22, respectivamente. Ademais, o míster foi 1º da categoría Máster1 e Ainoa foi 2ª Sub18. Desta proba participaron un gran número de atletas compostelanistas que rexistraron excelentes resultados:
Pablo Díaz (5M/3Sub20) 18:25, Iván Abeledo (20M/2Sub23) 19:52, Gerardo Cachafeiro
(21M/5Senior) 20:01, Xoel Blanco (27M/5Sub18) 20:12, Antonio Vázquez (28M/5Máster2)
20:12, Manuel Castiñeiras (42M/13Máster1) 20:38, Brais Pérez (92M/4Sub23) 22:26, Antonio Carneiro (98M/32Máster1) 22:48, Roi García (99M/33Máster1) 22:49, Elena Veres (8F/3Senior) 22:59, Santi Dapena (120M/36Máster1) 23:01, María Tarrío (9F/3Máster1) 23:15, Jorge Castro (131M/44Máster1) 23:34, Laureano Varela (146M/41Máster2) 23:56, José Sandá (164M/58Máster1) 24:17, Juan José Alvarellos (165M/59Máster1) 24:17, Julia Salvado (13F/4Sub18) 24:23, Fernando Casal (224M/73Máster1) 26:07, Walter Piñeiro (244M/82Máster2) 26:56, Juan Luis Botana M. (251M/82Máster1) 27:15, Juan Luis Botana F. (252M/21Máster3) 27:16, Javier Miramontes (257M/84Máster1) 27:19, Nuria Mejuto (41F/9Senior) 27:29, María Ramos (54F/14Senior) 29:01, Francisco Pena (310m/28Máster3) 29:02, Jesus Cabo (322M/107Máster2) 29:36, Silvia Fernández (71F/14Máster1) 30:24, Candela Otero (117F/31Senior) 33:25 e María Codesido (154F/44Máster1) 36:21
En Pereiro de Aguiar, Ourense, as cores azul e branco brillaron da man de Alejandro Montero, Javier de Dios e Sindo González, no XXV Cross Guillerme Brown. Os tres atletas da Esedé completaron o percorrido de 4,2 quilómetros finalizando entre os seis primeiros clasificados: Alejandro Montero foi 2º cun tempo de 12:16, Javier de Dios foi 3º con 12:22 e Sindo foi 6º con 13:03. Logo de recibir a medalla de bronce en Pereiro de Aguiar, Javier de Dios repetiu posición na categoría Senior (19º Xeral) no II Trail Ruta dos Muíños, no que participou o domingo pola mañá.
Tamén en Vigo, na Media Maratón de Vigo-10K Alejandro Gómez, estivo un dos nosos: Daniel García. O corredor branquiazul completou os 21 quilómetros en 1:29:12 mellorando, case seis minutos, a súa marca da pasada edición.
O noso Yago Iglesias aproveitou a 3ª Xornada Serie Municipal en pista ao aire libre celebrada o sábado en Vigo para participar na proba dos 3.000 metros, na que quedou en 2ª posición cun rexistro de 9:29.97. As cores da SD Compostela viaxarán por boa parte do territorio nacional a vindeira fin de semana, na que estaremos presentes nun importante evento internacional como é o Campionato de España de Campo A Través por Clubs, que se celebra en Atapuerca (Burgos). Alí participará un equipo de relevos mixto, así como outro de categoría Sub18 Masculina e de Absoluta Masculina.
Tamén haberá representación na tradicional carreira que separa a vila de Behobia de San
Sebastián, que vai pola súa 57ª Edición. Máis preto da casa, estaremos na Clásica de Negreira.

 

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.