O BNG de Oleiros solidarízase coas demandas da veciñanza do Couto en Dorneda e anima a participar na concentración convocada para este venres

Pasado un ano desde o inicio das mobilizacións das veciñas e vecinos do Couto (Dorneda) para reclamar un paso de peóns na AC-173 o problema segue sen solución

“A Consellería de Infraestruturas da Xunta de Galiza é incapaz de aportar unha solución práctica ao problema de seguridade vial na estrada da que é titular. Diante dunha demanda obxectiva nun tramo con varios accidentes nos últimos meses, a Conselleira Ethel Vázquez segue a desculparse con informes técnicos pretendendo transferir a titularidade da vía ao Concello de Oleiros, fuxindo das responsabilidades  do seu cargo e tentando pasarlle a terceiros a toma de decisión” denuncian.

“Desde o BNG de Oleiros seguimos atentos esta problemática a través do noso concelleiro Xurxo Martínez Caño e da deputada no parlamento galego Mercedes Queixas, apoiando a toda a veciñanza do Couto nunha reivindicación que é unha necesidade manifesta nunha zona cunha poboación que demanda seguridade” aseguran.

O BNG parabeniza estas veciñas e veciños “por perseverar durante todo un ano na reivindicación do seu dereito a teren unha mobilidade segura. Un exemplo admirábel de constancia e organización amiúdo sen máis apoio que das súas propias forzas”.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.