O PSdeG-PSOE de Castrelo de Miño denuncia ante a Valedora do Pobo e o INE os empadroamentos “masivos” levado a cabo polo PP no municipio
Os e as socialistas denuncian que das 46 novas altas rexistradas no padrón municipal no último trimestre aprécianse “numerosas irregularidades” unha vez consultado o expediente de altas.
Dende o Grupo Municipal Socialista en Castrelo afirman que estes empadroamentos “masivos” leváronse a cabo en casas “totalmente pechadas e inhabitables e que son propiedade de concelleiros do Partido Popular, do tránsfuga e incluso de familiares directos de cargos do PP”. Os socialistas poñen o foco, principalmente, no núcleo de poboación de Covelas, no que se empadroou a 14 persoas, 7 nunha casa dun concelleiro do Partido Popular e tenente de alcalde, e outras 7 na casa dun familiar directo desta persoa.
Os e as socialistas critican que as persoas empadroadas “non residen no Concello un mínimo de 180 días, tal e como está establecido legalmente” e apuntan a que “tampouco temos constancia de que exista relación entre os empadroados nunha mesma vivenda, nin de que exista autorización por parte dos propietarios da vivenda”.
Casa de empadroados en Covelas
A voceira do PSdeG-PSOE en Castrelo de Miño, Catalina González Álvarez, explica que no caso de Covelas “falamos de dúas casas que non están habitadas e que se atopan pechadas a cal e canto, tal e como puidemos comprobar ao desprazarnos ata Covelas en varias ocasións” e apunta a que “as 7 persoas empadroadas, en cada unha das vivendas, non teñen ningún tipo de relación entre si, polo que nos parece escandaloso este xeito de proceder”. A edil socialista manifesta que “temos dúbidas de que ou ben non existe documentación destes empadroamentos, ou posiblemente a mesma estea falseada, xa que non podes facer 7 contratos de arrendamento diferentes para unha mesma vivenda, polo que decidimos elevar o caso ante o INE e a Valedora do Pobo”.
“O alcalde, que vive en Toén, tamén participou no empadroamento, xa que na casa dos seus pais, vén de empadroar o seu fillo e varios familiares, namentres que na casa doutro concelleiro do PP, fixo o propio coa súa cuñada e o marido da súa cuñada”, explica a voceira socialista Catalina González. A edil tamén apunta a que con esta forma de actuar “estase desvirtuando o censo, xa que os datos non son reais, porque en moitos casos trátase de xente de Ourense, sen relación con Castrelo, só co PP, e que tal e como probamos non vive no municipio, pois as casas en cuestión, concretamente en Covelas, están totalmente deshabitadas”.
Casa de empadroados en Covelas
Dende o Grupo Municipal Socialista lembran que xa no pleno do día 12 de xaneiro indicáronlle ao alcalde que reclamaran diante do INE esta situación e solicitáronlle máis información sobre os empadroamentos, sen ter recibido a mesma a día de hoxe. De igual forma destacan que coincidindo co festivo do San Martiño, o día 11 de novembro, “desprazáronse a Castrelo de Miño numerosas persoas para proceder aos empadroamentos”.
Van tarde!.Esto fué siempre igual ¿Recuerdan a la Sra.de la Vega en Valencia?.
Si lo hacían para ocupar y representar a tantos ,no es raro que se repita a “nivel local”.Se acercan las Municipales y las jugadas de “trilerismo político” suelen aumentar para despues de alcanzar su objetivo “diluirse” para siempre.
Son tácticas antiguas ,que parecen seguir funcionando!.
Asi que no necesitan “tomar nota” ni denunciar a nadie por que Vdes. mismos si revisan el pasado observarán que vienen “bien entrenados”!.
¿Hay que pagar o cobrar algo, en ese tipo de denuncias? ¿Creen que el trabajo de a “Valedora do Pobo” es ese?.
Si alguien se presta a estas cosas ,tendrá motivos por que a nadie se le obliga a hacer “trampas”!
Parecen todos Vdes. estar en una “guerra de guerrillas ,puerta a puerta”tras el voto del ciudadano con extrañas tácticas y eso demuestra el “nerviosismo” generado ante el temor a perder “el puesto de trabajo”!