Rubén Arroxo visita a obra de Lamas de Prado que se sumará á Praza de Alacante e á de Aquilino Igrexas Alvariño

Rubén Arroxo: «Estase actuando sobre os barrios da cidade e esta obra é o exemplo de renovación necesario para moitas zonas que permanecián abandonadas dende fai anos»

O Tenente Alcalde, Rubén Arroxo, xunto co edil de Infraestruturas, Alexandre Penas, achegouse ata a rúa Lamas de Prado onde puideron comprobar a recente instalación de mobiliario urbano e o pavimentado de zonas da rúa. Arroxo explicou que «os traballos da renovación desta rúa vanse sumar ao da praza de Alacante e aos da rúa Aquilino Igrexas Alvariño», e engadiu «hoxe continuamos a traballar dende o goberno municipal para garantir que a imaxe desta zona mellore como estamos a traballar en outros barrios da cidade».

O Goberno de Lugo traballa neste proxecto, tanto na renovación das beirarrúas, como nas diferentes instalacións de servizos que están soterrados, eliminando barreiras arquitectónicas e aumentando a accesibilidade nunha zona da cidade que acolle a máis de 10.000 habitantes.

Habilitouse unha plataforma única na confluencia desta rúa coa praza do Castiñeiro, continuando coa aplicación dun modelo que fomenta a convivencia entre as persoas e os vehículos, calmando o tráfico e permitindo o tránsito peonil pola zona de xeito seguro. A actuación supón un investimento de 533.933€, e inclúe tamén a renovación do mobiliario urbano de as zonas verdes da zona, xunto coa instalación dunha nova marquesiña para a parada do bus urbano.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.