Impulso institucional do PPdeG para esixir ao Goberno central rapidez na reconstrución dos viadutos da A-6 no Castro e que as obras se leven a cabo ao mesmo tempo nos dous sentidos
O coordinador de Territorio e Infraestruturas do PPdeG, Antonio Ameijide, lembra o accidente sufrido onte por un camión no desvío provisional e sinala que os populares levan meses avisando do risco que supón para os usuarios ese tramo, porque non reúne as condicións necesarias para o intenso tráfico que soporta.
No PP de Galicia destacan que o Executivo de Pedro Sánchez aínda non aclarou a fecha no que será reaberto ese tramo da autovía, e esíxenlle que cumpra con Galicia
O deputado José Manuel Balseiro, que defenderá a iniciativa do PP no Parlamento de Galicia, di que se as obras non se acometen por vía de emerxencia e ao mesmo tempo nos dous viadutos, o problema pódese prolongar ata o 2028, con gravísimas consecuencias para a provincia de Lugo, en concreto, e para Galicia en xeral
No grupo provincial do PP, o seu portavoz, Javier Castiñeira, sinala que, de novo, levan este asunto ao pleno da Deputación «para instar ao Goberno a que as obras se leven a cabo o antes posible e, para iso, hai que facer os viadutos nos dous sentidos ao mesmo tempo»
