O PSdeG Provincial da Coruña celebrou este domingo o seu 5º Congreso Provincial coa reelección de Bernardo Fernández Piñeiro como secretario xeral provincial. No seu discurso, Fernández agradeceu á militancia pola súa implicación e pola mostra de unidade que representa a súa reelección sen oposición, que cualificou como «un exemplo que nos fortalece como organización», expresou.
«Asumo esta responsabilidade coa mesma humildade, ilusión e compromiso que hai tres anos», sinalou o secretario xeral, poñendo o foco en que o verdadeiro obxectivo non é só gañar eleccións, senón «traballar pola sociedade, garantir dereitos e liberdades e facer de Galicia un lugar máis xusto e igualitario».
Durante o congreso, o PSdeG reafirmou o seu obxectivo de reforzar a acción política no territorio e preparar as vindeiras citas electorais, co foco posto en gañar un maior número de alcaldías, manter a Deputación da Coruña e en levar a José Ramón Gómez Besteiro á presidencia da Xunta de Galicia.
O PSdeG-PSOE comprometeuse coa cidadanía, coa política de proximidade e cun modelo de partido no que «escoitar á cidadanía, é a mellor garantía de acerto nas decisións que tomamos día a día». Por iso, o lema escollido para o congreso, ‘Escoitar, traballar, gañar’, define «á perfección» a política socialista, segundo explica o secretario xeral.
Fernández chamou á organización a «escoitar e traballar en cada concello para gañar máis alcaldías» e consolidar ao PSdeG como «primeira forza do municipalismo galego».
Neste sentido, o secretario xeral provincial deixou claro que o obxectivo central da nova executiva será «reforzar a presenza e a acción política nos concellos». Reivindicou que o municipalismo é onde o PSOE demostra a súa utilidade real para a cidadanía e a importancia que teñen os gobernos municipais no poder transformador da política.
Fernández fixo balance do traballo feito nos últimos anos, destacando que os 30 concellos gobernados polos socialistas son exemplo de boa xestión, planificación e políticas sociais. Afirma que nos gobernos do PSdeG hai «gobérnase para todos e todas, non só para as minorías como fai o Partido Popular».
Tamén se deu a coñecer a nova executiva provincial cunha importante porcentaxe de renovación, 40 dos 64 membros son novos, combinando experiencia e incorporacións novas.
Fernández fixo fincapé na fortaleza municipal do partido, agradecendo expresamente o traballo tanto dos alcaldes e alcaldesas socialistas como dos compañeiros que exercen dende a oposición, destacando que «sen militancia, un partido non é máis que unhas siglas».
Na súa intervención, Bernardo Fernández tamén criticou duramente ao Partido Popular, tanto en Galicia como no Estado. O bono peixe é un exemplo máis do estilo da Xunta, que Barnardo Fernández define como «bono-voto», insistindo en que os problemas reais da sociedade galega non se van arranxar con estas medidas. «Os problemas de capturas e de produción das nosas rías vanse solucionar con cinco euros de gasto en peixe á semana?», preguntábase o secretario xeral. E non deixou pasar a oportunidade para ironizar sobre a deriva política de Alberto Núñez Feijóo: «un día é rubio, outro moreno, outro ten canas, outro ten gafas… Aquí era de centro, outro día é de dereitas, outro de extrema dereita… É o Míster Potato da política española».
O líder provincial tamén tivo palabras para o BNG, acusándoo de contradicións constantes, «o mesmo nacionalismo que un día se manifesta en Ferrol para que haxa carga de traballo no naval, outro día non quere que se incremente o gasto en defensa; parece que non sabe que en Ferrol fabricamos barcos de guerra».
Finalmente, Bernardo Fernández apelou á mobilización da organización para seguir liderando as políticas municipais e sociais, e rematou coa lembranza dunha frase de José Luis Rodríguez Zapatero: «Os grandes logros deste país foron sempre soñados por socialistas. Non deixemos nunca de soñar».
Nova executiva do PSdG-PSOE Provincial da Coruña
Durante o acto de clausura presentouse a nova Comisión Executiva Provincial, que saiu elixida cun 98% dos votos válidos:
- Secretaría Xeral: Bernardo Fernández Piñeiro
- Vicesecretaria Xeral de Política Municipal: Alejandra Pérez Máquez
- Vicesecretaria Xeral de Infraestruturas e Voceira: Mónica Rodríguez Ordoñez
- Vicesecretaria Xeral de Coordinación Territorial: Matilde Begoña Rodríguez Rumbo
- Vicesecretaria Xeral de Economía e Facenda: José Ramón Rioboo Castro
- Vicesecretaria Xeral de Memoria Democrática: Anxo Reí Arca
- Vicesecretaria Xeral de Ordenación do Territorio: Luis Lisardo Santos Ares
- Secretaría de Organización e Administración: Diego Fernández López
- Secretaría de Igualdade: Manuela Vilaboy Romero
- Secretaría de Relacións Institucionais: Maria Rivas Lopez
- Secretaría de Sanidade: Brais Rodríguez Botana
- Secretaría de Acción Electoral: Yoya Neira Fernández
- Secretaría de Educación e Formación Profesional: Xose Lois García Carballido
- Secretaría de Política Social E Dependencia: Estefanía Calvelo Muñiz
- Secretaría Adxunta De Organización: Gema Fernandez Cuiña
- Secretaría de Coordinación Interparlamentaria: Obdulia Taboadela Álvarez
- Secretaría de Coordinación Comarcal: Jorge Romero Pérez
- Secretaría de Dereito Á Vivenda: Paula García Lozano
- Secretaría de Promoción Económica E Emprego: Jorge Ulla Rocha
- Secretaría de Mar E Recursos Mariños: Walter Pardo Añón
- Secretaría de Formación, Rrss Adxunto A Organización: Julian Reina Villalón
- Secretaría de Agricultura, Gandaría E Desenvo. Rural: Cristina Capelán Cancelo
- Secretaría de Medio Ambiente E Emerxencia Climática: Jesús Fernández Diez
- Secretaría de Planificación Industrial E Transición Enerxetica: Borja Pico Feal
- Secretaría de Inclusión Social: Rosa Maria Romero Pariña
- Secretaría de Cultura E Lingua: Guadalupe Rodríguez Silva
- Secretaría de Deportes E Políticas Saudables: Oscar Rial Lago
- Secretaría de Universidade E Ciencia: Maria Ares Rey
- Secretaría de Turismo: Santiago Toba Blanco
- Secretaría de Emprendemento: Rosa Ana Garcia Lopez
- Secretaría de Estudos e Programas: José Manuel Pantín Morado
- Secretaría de Análise e Prospectiva: Isaac Buervo Almiron
- Secretaría de Gobernanza Local: José Luis Ruiz Laiño
- Secretaría de Movementos LGTBI: Eloy Carbón Rodríguez
- Secretaría de Militancia e Agrupacións Locais Adxunto Organización: Rafael Fernández Beceiro
- Secretaría de Transportes e Mobilidade Sustentable: Gonzalo Henrique Castro Prado
- Secretaría de Función Pública: Manuel Santiago Perez
- Secretaría de Comercio e Consumo: Francisco Pérez Caamaño
- Secretaría de Maiores e Pensions: Maria Josefa Cebreiro Santos
- Secretaría de Dereitos e Liberdades: Montserrat Paz Romero
- Secretaría de Xustiza: Caridad González Cerviño
- Secretaría de Patrimonio Cultural: Xose Manuel Lopez Fernandez
- Secretaría de Exterior: Sheila Rial Mata
- Secretaría de Mobilización: Bernardino Rama Seoane
- Secretaría de Participacion Cidada: Ines Ramos Lopez
- Secretaría de Políticas Forestais e Montes: Juan Jose Prego Ces
- Secretaría de Rexeneración Democrática E Transparencia: Juan Ignacio Borrego Vázquez
- Secretaría de Innovación, IA, e Transformación Dixital: Vicente Roca Uceira
- Secretaría de Despoboamento e Reto Demográfico: Brais Prieto Verdial
- Secretaría Adxunta a Infraestruturas: David Vázquez Suárez
- Secretaria Executiva: Mayte Argibay Silva
- Secretaria Executiva: María José Cal Álvarez
- Secretaria Executiva: Maria Dolores Lamelas Pena
- Secretaria Executiva: Maria Luisa Abrodos Fernández
- Secretaria Executiva: Antía Gonzalez Figueroa
- Secretaria Executiva: Maria Mercedes Prieto Lamas
- Secretaria Executiva: Raquel Mallo Domínguez
- Secretaria Executiva: Pablo Amado De La Fuente
- Secretaria Executiva: Jose Manuel Pérez Abelenda
- Secretaria Executiva: Sandra Sánchez Iñiguez
- Secretaria Executiva: Merche Noceda Gómez
- Secretaria Executiva: Alma Beatriz Barron Ferro
- Secretaria Executiva: Cristina Pardo Portos
- Secretaria Executiva: María Isabel Gómez Cambón
