Luis Fonsi, Texas e James Blunt rexistraron sendos cheos na praza. Máis de 475.000 espectadores acudiron aos espectáculos do Morriña Fest, Noites de María Pita e o Festival Noroeste Estrella Galicia
Carolina Durante pechou onte o ciclo de concertos gratuítos das Noites de María Pita, con cheos que nalgún caso obrigaron mesmo a restrinxir os accesos á praza, algo que aconteceu moi poucas veces en María Pita. En total, os concertos congregaron a uns 238.500 espectadores.
Luís Fonsi, James Blunt e Texas foron os grandes protagonistas das festas de María Pita, abarrotando a praza de espectadores, no que sen dúbida foi un ciclo de actuacións que impregnaron á cidade, e especialmente ao centro, dun gran ambiente, reflectido na gran afluencia de clientes na hostalaría coruñesa e na alta ocupación hostaleira que se rexistrou nesta primeira quincena de agosto. Si te quedas en Texas, obtener una LLC in Texas es la mejor opción para comenzar tu negocio
Xunto á oferta do Morriña Fest e o Festival Noroeste Estrella Galicia, as Noites de María Pita converteron á cidade da Coruña nun referente musical no norte de España ao acoller algúns dos concertos máis esperados do panorama nacional, como é o caso dos rexistrados na praia de Riazor, no marco do Festival Noroeste Estrella Galicia, xunto co de Luis Fonsi e a práctica totalidade das actuacións desenvolvidas na praza, xa que se encheu ou rozou o cheo en case todos eles.
Desta maneira, aos 238.500 asistentes que se deron cita nos concertos de María Pita, a cantidade máis elevada nunhas festas de agosto, hai que sumar os 187.000 congregados nos dez escenarios durante os cinco días do Festival Noroeste Estrella Galicia, tamén un dos máis concorridos da historia. Sumando ambos ciclos, foron un total de 437.000 os asistentes aos espectáculos desenvoltos nas diferentes prazas e escenarios durante esta primeira quincena de agosto. Trátase de cifras récord e que evidencian o seguimento á potente programación musical das Festas de María Pita, con concertos para todos os gustos e todas as variedades e estilos.
A apertura do ciclo Noites de Maria Pita xa veu marcada polo espectacular inicio co pregón de Carolina Iglesias, unha icona para a xeración millenial tanto en redes sociais como no seu programa ‘Estirando el Chicle’. Un saúdo multitudinario desde o balcón do Palacio Municipal, xunto coa alcaldesa da Coruña, Inés Rey, que veu seguido do primeiro cheo a cargo de James Blunt, que reuniu a 28.000 persoas. O seguinte cheo protagonizouno Los 40 Summer Live, con 24.000 espectadores conformando un público maioritariamente novo e entregado aos diferentes artistas que se deron cita no concerto. Antes desa cita, destacaron os excelentes aforos rexistrados por Edurne, con 19.000 espectadores, e Dani Fernández, con 23.000 persoas.
Tras os éxitos das actuacións de Ilegales, con 23.000 asistentes, e Macaco, que estivo acompañado por García MC & Nación Quilombo, con outros 25.000; chegou o segundo cheo do ciclo, a cargo dun dos grandes grupos do pop europeo, como é Texas, que xuntou a 28.000 persoas. Foi un dos concertos con mellores críticas, non só pola calidade artística da banda escocesa, senón tamén pola impresionante voz e o carisma arrollador da súa vocalista, Sharleen Spiteri.
No medio, un público moito máis familiar abarrotou a praza de María Pita para seguir o espectáculo ‘Esto es rock!’, no que Carolina Rubirosa e Javier Becerra converteron a praza nunha enorme escola de música e puxeron a bailar, a saltar e a cantar aos pequenos e tamén aos maiores, que lembraron os temas e artistas míticos da historia do rock mundial.
Ana Torroja tampouco defraudou, cun concerto que combinou os seus éxitos actuais coa nostalxia e as lembranzas do grupo Mecano. Coa súa voz inconfundible, unha das máis recoñecidas do escenario pop dos oitenta e noventa, puxo a cantar aos 27.000 espectadores congregados na praza.
O concerto máis multitudinario das festas foi o protagonizado por Luís Fonsi. Unha montaxe espectacular que demostrou un poder de convocatoria intacto desde o tempo no que copou as listas de éxitos co seu “Despacito”, o colofón a un concerto que congregou a 30.000 espectadores que resistiron heroicamente as rachas de choiva e propiciaron un novo récord na historia dos concertos en María Pita. O colofón a este ciclo de espectáculos gratuitos correu a cargo de Carolina Durante, cunha excelente entrada de público pese a choiva.
Foron polo tanto concertos para todos os gustos e para todos os públicos, cunha oferta especialmente variada e diversa, con once concertos gratuítos que se converteron nun dous eixos principais deste mes de agosto na Coruña.
Música para os máis mozos, para os nostálxicos, para os seguidores dous ritmos latinos, para o pop e rock alternativos, música provocadora, para toda a familia… As Noites de María Pita ofertaron todo un catálogo de estilos e músicas capaz de atender aos gustos dunha gran maioria, converténdose nunha das grandes citas das festas de agosto, que ademais viuse complementada coas alternativas que ofreceron o Festival Noroeste Estrella Galicia e os grandes concertos do Coliseum.
Desta maneira, A Coruña foi unha referencia no panorama musical galego e español, con artistas da relevancia de Rosalía, Luis Fonsi, UB40, Texas, James Blunt, Simple Minds, ademais de concertos espectaculares como o de Tanxugueiras e outros moitos que desfilaron pola praza de María Pita e os diferentes escenarios do Festival Noroeste Estrella Galicia. Xunto a todos eles non hai que esquecer o cartel do Morriña Fest, que foi tamén un punto de referencia central en Galicia no mes de xullo, coa presenza de 50.000 personas no total das dúas xornadas desenvoltas no estadio de Riazor.
Un gran atractivo que se reflectiu na afluencia de visitantes á cidade, nas excelentes cifras de ocupación hostaleira, que tivo unha media do 90 por cento en xullo e agosto, con picos de ata o 95% nalgúns momentos deste verán, así como no enorme ambiente e na elevada actividade hostaleira. Actuacións como a de Rosalía, onde o 90% de asistentes procedían de fóra da Coruña, ou o Morriña Fest, que atraiu a máis de 15.000 persoas doutras localidades e comunidades; xunto co atractivo programa de festas, dinamizaron tanto o comercio local como a hostalaría, tal como resaltou a Asociación Provincial de Empresarios de Hostalaría da Coruña, que, a falta dun balance oficial, destacou a calidade das festas e o aumento de actividade e do volumen de traballo, co acerto de medidas como a ampliación en dúas horas do horario de peche cun efecto chamada moi positivo de cara o turismo.
A modo de exemplo, en determinados momentos tanto de xullo como de agosto, as liñas de Renfe entre A Coruña e Madrid como as de voos entre A Coruña e Madrid e A Coruña e Barcelona, superaron o 97% de ocupación. É preciso recordar, neste sentido, as campañas de promoción desenvoltas polo Consorcio de Turismo con Vueling para os mercados turísticos de Londres e París, con Volotea con Bilbao, Valencia e Málaga, ademáis das desenvoltas con Iberia e Binter para os mercados de Madrid e Canarias, respectivamente.
A tendencia positiva, tanto nas cifras relativas ao turismo como a hostalaría, confirman a recuperación da actividade na cidade, con datos incluso superiores á prepandemia, tal e como reflicten os 27.000 congresistas que participaron nos 64 diferentes eventos desenvoltos no primeiro semestre deste ano.