Aos xa confirmados do Real Oviedo (Segunda Federación FutFem) e SD Eibar (Liga F), únense á lista de rivais do Deportivo ABANCA nesta pretemporada o SC Braga portugués, da Primera División (Liga BPI), e o Athletic Club B ( Primera Federación FutFem).
O encontro ante o conxunto bracarense está previsto para o sábado 12 de agosto en Abegondo, en horario aínda por determinar. O choque fronte ao filial branquivermello será o sábado 2 de setembro, só unha semana antes da primeira xornada ligueira, en campo e hora por determinar.
O cadro de Irene Ferreras está citado o luns 24 de xullo para as probas médicas no Hospital Quirón Salud A Coruña de ABANCA-RIAZOR e posteriores probas físicas xa en Abegondo.
O martes 25 de xullo terá lugar o primeiro adestramento da pretemporada.
Así pois, o calendario de verán do Deportivo ABANCA queda así:
Sábado 5 de agosto, XI Trofeo Teresa Herrera (ABANCA-RIAZOR): rival pendente de presentación do Trofeo
Sábado 12 de agosto, Amigable (Cidade Deportiva de Abegondo): Deportivo – SC Braga, horario por determinar
Venres 18 de agosto, Amigable (Guimarães): campo, horario e rival por determinar
Martes 22 de agosto, Amigable (San Claudio, Oviedo): Real Oviedo – Dépor ABANCA, horario por determinar
Sábado 26 (ou domingo 27) de agosto, Amigable: Dépor ABANCA – SD Eibar, campo e hora por definir
Sábado 2 de setembro, Amigable: Deportivo ABANCA – Athletic Club B, campo e hora por definir