Ao carón do río Arnoia a seu paso por Allariz foi presentada a XXXIII regata provincial de piragüismo Festa da Empanada puntuable para a Copa Deputación 2023 que se celebrará na maña do domingo 20 de agosto, e que nesta edición e o Campionato Provincial de piragüismo. Contou coa presenza da Alcaldesa Cristina Cid o concelleiro de deportes Juan Carlos Puga, o delegado provincial da federación galega de piragüismo José Manuel Fernández, o monitor do club Fluvial Allariz Lukas Lemos, así como unha ampla representación de piragüistas alaricanos que participaran na regata.
Cristina Cid, destacou as boas condicións que reúne o río Arnoia a seu paso por Allariz para a práctica do piragüismo, e reseñou que esta e unha das moitas actividades que se veñen facendo durante todo o ano na Vila, animando a cidadanía a desfrutar deste evento deportivo e da Vila con responsabilidade e “sentidiño”.
Juan Carlos Puga puxo en valor todo o conxunto de actividades que se van celebrar dende este venres ao domingo, con motivo da Festa da Empanada, onde a regata de piragüismo destaca pola súa tradición entre as moitas actividades programadas polo Concello de Allariz.
