Hoxe en día son 77 as persoas participantes neste programa dos concellos de Carballiño, Boborás e Carballeda de Avia. A previsión da Deputación é acadar máis de 150 beneficiarios no vindeiro ano, incorporando 7 municipios
“A Organización Mundial da Saúde ten declarada a soidade non desexada como un problema de saúde pública, e nese eido estamos a traballar desde a Deputación onde, a través da área de Benestar, fixámonos un obxectivo de mandato: que no ano 2027 se superen as 500 persoas maiores con acceso aos balnearios como recurso idóneo de saúde física e emocional”, sinalou Luis Menor
O presidente provincial, Luis Menor, acompañado pola deputada de Políticas Sociais e alcaldesa de Boborás, Patricia Torres; así como polo alcalde do Carballiño, Francisco Fumega, visitou o Balneario de Partovia para coñecer in situ o desenvolvemento do programa