O delegado territorial da Xunta en Lugo, Javier Arias, mantivo hoxe unha xuntanza coa directora do centro asociado da Uned en Lugo, Ana Traseira, e co presidente do colectivo Egeria, Xulio Xiz, na que valoraron as posibles vías de colaboración para levar a cabo un proxecto cultural conxunto a desenvolver no primeiro semestre do próximo ano.
O delegado gabou o labor de dinamización cultural e social que realizan na provincia tanto o centro universitario como o colectivo cultural, e amosou a disposición da Xunta a participar na iniciativa.