Os populares rexistraron un escrito na Deputación de Lugo solicitando a corrección da acta da sesión plenaria de decembro «reflectindo de forma veraz o sucedido» antes de sometela a aprobación no pleno deste mes, incluíndo a expulsión, por parte de Tomé, dos veciños de Becerreá, os insultos do presidente da Deputación aos deputados populares e negarlles o uso da palabra para defenderse dos mesmos, de acordo co artigo 116 do Regulamento Orgánico da Deputación
O intento de manipulación do presidente desta acta demostra que «José Tomé non está á altura do cargo que ostenta», tentando ocultar nas actas os seus deslices e saídas de ton, chegando ao insulto, algo que incluso se negou a retirar no pleno, ante a falta de argumentos para debater coa oposición e non podendo controlar os plenos ao seu antollo
· Os deputados populares esixen «veracidade e transparencia» a Tomé e que inclúa na acta do pleno de decembro os insultos que proferiu aos deputados populares
· Antonio Ameijide explica que xa antes do inicio do pleno o presidente da Deputación deu mostras do seu nerviosismo, enviando a un funcionario, ata en tres ocasións, a tentar impedir o acceso ao pleno de alcaldes e voceiros da provincia que amosaron o seu malestar polo reparto de fondos do Plan Único para 2024 e, durante o pleno, expulsou en dúas ocasións aos veciños de Becerreá que asistiron ao mesmo