Primeiro negan cambio de criterios e hoxe din que o fixeron porque sospeitan de irregularidades
· Os populares preguntan se esa desconfianza vén polos pagos de 800.000€ a unha empresa vinculada ao BNG cuxa última operación aprobada por eles foi contratar o escenario do San Froilán in extremis deixando fóra a licitadores lucenses
· O BNG primeiro negou que cambiase os criterios para conceder axudas para ás contratacións das festas das parroquias e barrios
· Agora os nacionalistas veñen de xustificar este xiro significativo das condicións para que as comisións de festas reciban achegas económicas en que teñen sospeitas de irregulariedades.
· Os populares entenden que Maite Ferreiro se refire a empresas das habituais que contrata a área de cultura e poñen riba da mesa os pagos realizados en catro anos a Nalgures. Esta firma, cunha relación familiar directa cunha persoa que foi un cargo do BNG, ingresou en caixa case 800.000€ en catro anos
· Os populares engaden que a última operación que se fixo con esta firma foi a de contratala in extremis para a montaxe dun escenario do San Froilán deixando fóra a outros licitadores lucenses.
· En conclusión, resulta insultante que o BNG intente xustificar a toma dunha decisión autoritaria e sectaria para limitar as axudas ás contratacións das festas en Lugo poñendo en cuestión os 350 € que reciben os dúos.
· Os populares conclúen con que «a xestión do diñeiro público é responsabilidade do goberno local e instan a que aborden esta situación con transparencia e equidade».